den eg enanten geistleihen herren van Pawmgartenperg perchrecht und voytrecht als daz mit alter herchômen ist und der mich var¬ benanten Wendelmüten anerstarben ist van meinem rechten öchaym Albrechtem dem Vógelein dem Got genade, und ist auch mir der¬ selbig weingarten mit rechtem laz und mit fürczicht angevallen an rechter taylung und als mein tailprief sagt, den selben varbenanten weingarten haben wir mit rechter fürczicht verchauft und hingeben mit alle dem nucze und rechten als da mit alten rechten herchömen ist umb àcht phunt wienner phenninge der wier gar und gænczleich verricht und gewert sein ze rechten tägen, den erbern geistleichen charherren dem ganczen convent des chlôsters ze Walthawsen und allen iern nöchchômen. Und durich pezzer sicherhait so seczen und verpinden wier uns ich obgenanter Eberhart der Stuerm ich Wendelmuet sein hausfrowe mitsampt unsern erben uber den egeschriben weingarten den egenanten geistleichen charherren und dem ganczen convent des chlosters ze Walthawsen und allen ierr nachchômen ze rechten gwêr und scherm für alle ansprach nach des landes recht in Osterreich. Waër aber daz si fürbaz dhainerlay ansprach oder chrieg an dem oftgenanten weingarten icht gewunnen oder ob in fûrbaz mit recht daran icht abget, und waz si des schaden nement das sullen wir in alles awsrichten. Und daz der chauf und der scherm furbaz ewichleich also stêt gancz und unczebrochen weleib und wenne wier selber nicht aygen insigil enhaben, daruber so geben wier in den prief ze einem warn sichtigen ürchunde der sach versigilt mit unsers perchmaister insigil Jacobs des alten Słuzzler sun die zeit statrichter ze Neuwnburch chlosterhalben und amptman der erbern geistleichen herren van Pawmgartenperge, und mit des erbern manne insigil Ulreichs van Zwetel die zeit schaffer in der erbern charherren spitol. Der prief ist geben nach Christes gepurde drewczchen hundert jar darnach in dem ayns und sybenczigisten jar an sande Jorigen tage. Orig., Perg., im Muscalarchiv zu Linz; Siegel verloren.
RkJQdWJsaXNoZXIy MjQ4MjI2