522 wir daz vorgenant gût mit allen eren nützzen unser eribschaft und allew unserew recht daron versucht und unversucht redleich aigen¬ leichen ze rechtter fürtzicht ze chauffen geben unsern obgenanten herren und irem capitel umb ein sölich gelt daz uns wol genügt und daz si uns von iren genaden hertzü friderleich geben und gewert habent, also daz wir unser eriben und vreunt noch ander niembt von unsern wegen hintz dem egenanten gût dhain ansprach recht oder vodrung nimmer haben noch nicht gewinnen sullen, weder mit recht noch an recht in dhainer weiz. Auch mügen unser obengenannt herren mit dem vorgenant güt aller zugehörung iren frum handln mit versetzzen mit verchauffen machen und geben selb inn haben hin lazzen ze erbrecht oder ze lehen wie wem oder wenn si wellent an allew irrung und hinderung. Mit ürchünd des briefs der besigelt ist mit der erbern zwair mann Tannquartz des Hrings und Jans des Jagenraûtter anhangunden insigeln die wir vleizzichlich darumb gepeten haben in und iren eriben an schaden, und verpinden uns darunder mit unsern trewn allez daz stât ze haben und ze volfûren daz an dem brieff geschriben stet. Dez sind auch zeûgen und taitinger gewesen unser gût vreunt Peter von Waltmanyng Wernher von Suntzing Jacob von Swennt und ander erber laûtt. Der brief ist geben am achten tag vor sand Jörgen tag nach Christ gepürd drew¬ tzen hundert jar und in dem aynem und sibentzgistem jare. Orig.. Perg., die Siegel in weissem Wachs; im königlich baierischen allgemeinen Reichsarchiv zu München. DXXVII. 1371. 22. April. Wien. — Herzog Albrechts von Oesterreich Schreiben an den Bischof von Freisingen, dass die Bürger von Waidhofen nicht mehr Eisen aus Eisenerz führen sollen, als sie selbst bedürfen und verarbeiten können. Dem erwürdigen hern Pauln bischofen ze Freysingen unserm lieben freunt oder wer an sein stat ist ze Waidhofen, embieten wir Albrecht von Gotes gnaden hertzog ze Osterreich ze Steyr ze Kernden und ze Krain graf ze Tyrol etc. unsern freuntlichen grus und alles gût. Die purger derselben ewr stat ze Waidthofen habent von unsern vordern und auch uns solich gnad daz si auz unserm
RkJQdWJsaXNoZXIy MjQ4MjI2