510 dreutzehen hundert jar darnach in dem ainen und siebentzgistem jar an unser vrawen tag cze liechtmisse. Orig., Perg., im Schlossarchiv zu Eferding; die Siegel in ungefärbtem Wachs, das vierte zerstört. DXVI. 1371. 2. Februar. — Eberhart von Wallsee gibt dem Kloster Schlierbach die Eigenschaft einiger Güter und die Fischweide auf der Krems und befreit es von fremder Vogt- und Gerichtsbarkeit. ICH Eberhart von Waltse zden zeiten haubtman ob der Ens und all meinn erben vergich, daz ich den erbern geistlichen chloster¬ vrawen der abtissinn und dem convent unserr vrawen closter grabes ordens meiner stift ze Stirpach di lehenschaft aufgeben hab zu rechten freiem aigen der gueter die hernach geschriben stent, der Schichkengrueb und auf dem Hasenpuhel zwair guetel am Rauchenperg am Roselhoff der Mauselhueb ze Tawrenstorf einer hueb und einer hofstat ze Turnich einer hueb zwair guetel ze Loch des hoffes zu Od und des lehens zu Dorff daz Hansens des alten Amannes gewesen ist, und den hoff ze Loch eines lehens ze Hofforn zwair guetel im Holcz eines hoffes im Rawt zu Obern-Haslach daz guete im Frid des guetels, eines guetels in der Grueb und eines peundels gelegen pei dem hoff zu Hurczenperg des zehentes auf der hueb ze Weigerstorf ainer huéb zu Awern, der obgenannten gueter lehen¬ schaft mit allen nuczzen und darzu gehort gib ich in als vor geschriben ist ze rechtem freiem aigen also, daz si daz inhaben und besiczzen und nuczzen schullen als ander ir freiew aigen von wem und wo si dew haben. Ez schullen auch die leutt und dew holden dew si auf die vorgenanten gueter gestift haben und furpas stiften werden nur vor der vorgeschriben clostervrawen anwalt ze recht gesteen und dhain lanttaiding nicht dulden. Es scholl auch dhain lantrichter noch anders niemant weder vogtdienst noch lantgericht¬ dienst noch dhain forderung noch dhain ansprach furpas da haben, und schol auch nichtes da ze schaffen noch ze rechten haben den umb drei dinch: dieff todsleg und notnuft dew an den tod gen, wer den da mit sumlichen sachen der sachen funden wurd, den schol man ab iren gueten als daz recht ist dem lantgericht antworten, alss mit gurtel umbvangen ist (sic) und daz die hab dem closter pleib.
RkJQdWJsaXNoZXIy MjQ4MjI2