507 DXIII. 1371. 25. Jäner. — Friedrich Propst zu Waldhausen hat Andre dem Wolfen¬ räuter das Kaufrecht auf eine Wiese im Räut um 3 Pfund Pfenning abgelöst. ICH Andre der Wolfenrauter und Agnes mein hausvrawe und unser erben verjehen, das unser genediger her probst Fridreich cze Walthausen ab gelost hat von uns ein wis weilend gehort . . . in das Rautt und gelegen ist in Walthauser pharr und dy mein sweher Wejchart seliger cze chaufrecht gehabt hat und jerlich do von gedient hatt ein faschanchk hen oder vier phening, und dy selb wis im gelichen ward cze seinen tægen also beschaidenlich, swen der vor¬ genant Weychart abgieng mit dem tod, so schol man seinen erben geben dreu phunt wienner phenning und schol fürbas dy vorgenant wis frey und ledig sein dem obgenanten probst Fridreichen und dem goczhaus: nu hatt uns unser genediger herr probst Fridreich gericht und gibt der drej phunt wienner phenning gancz und gar also, das wir noch unser erben hinfür gegen der obgenanten wis chain ansprach nach chain recht schullen haben. Wêr awer das yemant her für chæm der recht wold haben an der vor genanten wis oder an den dreu phunt wienner phenningen” mit recht, so schullen wir sein fürstand und sein gwer sein. Teten wir des nicht * wie getan schaden sew des fürbas nement den ir ainer gesprechen mag pey seinen trewn, den schullen wier in ab legen und schullen seu das haben auf uns und auff unsern trewn und auf aller unser hab dye wier haben wier sein lemtig oder tod. Und ze ainer pessern sicherhait der sach geben wier in den prieff besigelt mit der erbern Albrechts des Oder czden czeiten lantrichter in dem Ochlant und Petreins des Czelthoffer czden czeiten ri . . .. . (das Perg. durchgebrochen) cze Czel anhangunden insigeln. und dor under ich vorgenanter Andre der Wolfenrauter mich verpint aller der gelub staet cze haben deu an dem prief geschriben stent wen ich selber aygens insigel nicht enhab. Der prief ist geben nach Christi gepurt . . . . czehen hundert jar darnach in dem ains und siebenczigistem jar an sand Paulus tag. Orig., Perg., im Museal-Archiv zu Linz, sehr verwischt und beschmiert. die Siegel abgefallen. ° Der Raum zwischen den Sternchen sehr unleserlich.
RkJQdWJsaXNoZXIy MjQ4MjI2