506 gewesen ist Weinmars des Tewerbanger und Hainreichs dez Forster geng Gotfrids dez Ripler pankch uber, und ain güt ze Judendor gelegen in dem Pawngarten genannt in der pharre ze Wolfarn gelegen da zden zeiten Ulreich aufgesezzen ist und freyes aigen ist. ... und schol auch daz alles innehaben paide die fleischpankch und daz obgenant gût ain zechmaister ze Steyr der die ellendenzeche innehat durich Gots lieb willen seiner sele und aller seiner vorvordern sele ze hilffe und ze trost also beschaidenleich, daz er den armen siechen in dem spital raihen und geben schol alle wochen unver¬ tzogenleich an dem mantag zehen phenning umb fleisch und vier phenning umb ayer und schol daz tailen ze yeder zeit als verre ez gelangen mag. War aber daz daz von der obgenanten pankch und auch von dem gût zû dem jar icht uberigs gevielle uber daz und man ymmer in zue der wochen in daz spital raihet, dasselbig schol er der zechmaister under si die armen siechen nach seinen trewn tailen. Wär auch daz daz der zechmaister der die ellenden zeche innehat zder selben zeit darinne sawmig war und den armen siechen die zder zeit in dem spital sind dasselbig geschaefft daz die obgenant fraw geschafft hat vertzuge und in dez nicht gaebe zder zeit und man in ez raihen und gèben schol, so schullen si ez tragen an daz gericht und an den rat, ist daz daz die dez nicht underschaffent und understend, so mugen si und schullen auch die armen lewtt in dem spital ainen andern darzue nemen der in denne allerpeste darzue füget und gevellet, der in ez raihet und geit als ez oben verschriben ist. Daz daz geschaefft also furbas ewichleich und ymmer stät beleil daruber gib ich obgenantew Hiltgart Dietmars dez Chramer witib in den siechen in dem spital den prief zue ainem waren urchunde der warhait versigilten mit der erbern Hansen dez Tungózzinger den zeiten statrichter ze Steyr und mit Fridreichs dez Ledrer und mit Lawtweins des Schikchen purger ze Steyr anhangunden insigiln. Geben nach Christi gepurde uber dreutzehen hundert jar darnach in dem ains und sibentzgisten jar an sand Pawls abent zder cherung. Orig., Perg., im Stadtarchiv zu Steyr; zwei gleichlautende Originale, von denen nur eines von der Stadt Steyr besiegelt wurde; die Hängesiegel verloren.
RkJQdWJsaXNoZXIy MjQ4MjI2