504 und mein swager Lewtwein der Schikch purger ze Steyr. Der prief ist geben nach Christes gepürd über drewtzehenhundert jar darnach in dem ains und sibentzkisten jar an sand Erhartz tag. Orig., Perg., im chemaligen Archive von Garsten mit drei hängenden Siegeln von gelbem Wachs DX. 1371. 21. Jäner. Wien. — Albrecht von Puchheim und Hartneid von Losenstein geben einen Spruchbrief wegen der Kirche zu Waidhofen an der Thaya. Ich Alber von Püchhaim obrister druchsaetz in Osterreich und ich Haertneid von Losenstain wir vergehen offenleich mit dem brief umb alle die chrieg und stôzze die gewesen sint zwischen unsern ohaymen Hainreichen und Gundakchern gebrüdern von Duchsperkch an ainem tail und dem erbern heren Petrein zu den zeiten pharrer ze Waidhofen bei der Tay und schreiber hern Haidenreichs von Meissow zu den zeiten lantmarschalichs in Osterreich an dem anderen tail, von derselben chirihen wegen von Waidhofen die weilent herrn Eberharten von Dachsperkch seligen ze phlegnüzze ingeantwürt ist und nach desselben hern Eberhartes tod die phlegnüzze an die obgenanten gebrüder chomen ist, und darumbe si auf paidenttaillen mit gütleichem willen hinder uns gegangen sind also, was wier zwischen in darumbe sprechen daz sullent unde wellent si gentzleich stêt haben und dapei an allen chrieg beleiben, daz wir darüber gesprochen haben und sprechen ouch, waż nutz auf dem vicari noch ligent daz der egenant her Peter den vorgenanten gebrüdern von Dachsperkch davon geben sol zehen phunt wienner phenning, und was dez ubrigen ist daz sol dem¬ selben heren Petrein und der chirihen gevallen ; auch sprechen wier daz die vorgenanten Hainreich und Gundakcher von Dachsperkch furbas dem egenanten heren Petrein und der vorgenanten seiner chirihen ze Waidhofen chainen überlast noch beswarung tün sullen noch von dhainem der ieren geschehen sullen lazzen, sunder daz si desselben heren Petreins seiner chirihen und der gûter die dartzu gehoret genaedig herren und beschiermer sein sullen. Und des ze urchund geben wier den brief besigilten mit unseren angehangen insigilen, der geben ist ze Wienne nach Christes geburd drewtzehen
RkJQdWJsaXNoZXIy MjQ4MjI2