500 mit dem rechten. Geschach aber daz uns ymant chrieg oder stozz an dem vorgenanten hof machet oder tät wi di genant mochten sein wider recht oder von mütwills wegen in welher weys daz geschäch, dez schullen unser vorgenante hern an irr vodrung und dienst ungolten sein. Wir sullen auch daz vogtrecht ausrichten unser vorgenanten hern an schaden. Ez ist auch ze merchen daz unser obgenant hern an allem dienst und vodrung als oben gäntzleicher begriffen ist nichtz engelten sullen weder schawer noch pisis noch dehainerlay lantz presten wie der genant mocht sein. Daz in daz aller stât und unzebrochen beleib daz gehaizz ich vorgenant Challinger für mich und all mein erben pei meinen trewn an aydes stât, und zû einer pessern sicherhait und zeugnüzz geb wir in den brif versigelt mit meinem anhangunden insigel, dar zû under der erbern laût Nyclas dez Bendelstain ze den zeiten pfleger und richter ze Scherding Otten von Law und Sighartz dez Pawern. Der brif ist geben nach Christi gepird drewtzehenhundert jar dar nach in dem sibentzigistem jar an sand Tomanns tag dez zwelifpoten. Orig., Perg., mit vier anhängenden Siegeln in braunem Wachs; im könig lich baierischen allgemeinen Reichsarchiv zu München. DVI. Landgraf Johann von Leuchtenberg, Pfleger 1370. 27. December. Straubing. in Niederbaiern an Niclas Wendelstein, Richter in Schärding: dem Propst und dem Golteshaus Reichersberg sollen die Freiheiten unbeirrt bleiben, welche ihnen Kaiser Ludwig verlichen hat. Wir Johannes lantgrave zue dem Leuchtemberg pfleger in Nydern Beyern enpeuten unserm lieben getrewn Nicla dem Wendelstain richter ze Schaerding unsern grues. Wir lazzen dich wizzen daz der ersame herre der probst ze Reichersperg sein und seins gotzhaus brief vor unserm genedigen herrn herzoge Albrechten ze Strawbing gehabt und gezaigt hat da er nue naechst bey dem lande waz, und die selben brief lauttent von unserm genedigen herrn kaiser Ludweigen von unsers egenanten herrn vater saeligem dem Got genade, und da emphalich uns unser egenanter genediger herre herzog Albrecht das wir den probst und das gotzhaws ze Reichersperg bei irm briefen hielten und schirmten und niempt gestatten der si dar an irret. Also haizzen wir dich und schaffen ez auch ernst¬
RkJQdWJsaXNoZXIy MjQ4MjI2