499 irem chellner raichen und geben schullen gein Pazzaw auf irn chasten vor sand Marteins tag an alle widerred und irrsal sechs mütt waitz acht und zwaintzk mütt chorns irr gewondleicher chastenmäzz und sechs pfünt dienst pfenning pazzawer münzz da mit und zehen chàs, ain pfünt mal pfenning zü sand Andres tag vier swein di zwayer pfunt wol werd sein zü unser frawntag ze lietmezz zway pfünt pierpfenning zü den ostern zway hundert ayer und zehen chäs zü sand Stepffans mezz zwen wider zwelif gens viertzehen huenrr oder an zehen fümf schilling pfenning welichs unser herren wellent. Wir schullen auch järleich in unser obgenanten hern der chorhern stift gen als ander ir holden, und di weil wir den vorgenanten dienst und vodrung richtigleich aller järleich geben ze den tägen als oben berürt ist, so sol man uns allzeit den hof an allen irrsal und ver¬ ziechen wider lazzen und unverchert beleiben. Tätten wir dez nicht daz wir den vorgenanten dienst und vödrüng ze den tägen als oben verschriben ist nicht gäben, so sei wir gevallen von allen unsern rechten und mugen di vorgenant unser hern allen iren frum damit geschaffen als mit andern irn freyn aygen und irn hof lazzen wem sew verlustet mit unserm gütleichen willen, daran wir sew nicht engen noch iren schullen noch mugen weder mit recht noch an recht mit uns selb noch mit ander ymant von unsern wegen in dhain weys. Ez schullen auch unser vorgenant hern den obgenanten irn hof paüleich und wesentleich vinden ze holtz ze veld als sittleich und gewondleich ist nach lantz recht. Auch vergich ich für mich mein hausfrawn und all unser erben freunt züleger gelter günner oder hellfer, daz wir noch anders ymant von unsern wegen auf den oft¬ genanten hof und waż dar zü gehört nichtz ze sprechen noch ze vodern haben noch hinfür schullen noch mugen haben weder von eribrecht noch von pflegschaft noch von paupfenning noch von erung pfenning wegen noch von dehainerlay säch oder schuld wegen wie di genant mocht sein weder mit recht noch an recht in dehainerlat weys, und wez wir mit in dar umb ze chrieg würden daz wer mit geistleichem recht oder mit weltleichem, daz hab wir alles verlörn und unser obgenant hern di chorhern behabt und gewunnen. Wir schullen noch mugen auch von dem vorgenanten hof und waz dar zü gehört nichtz vesetzen noch verchauffen. Tatten wir ez dar uber so sol ez chain chraft haben. Ez schullen auch unser oftgenant hern di chorhern oder ir amptlaût dez vorgenanten hofs unser fürstand sein 32°
RkJQdWJsaXNoZXIy MjQ4MjI2