490 geschriben stend ze rechtem leybgeding han unze an meinen tod von den erwierdigen meinen genädigen herrn den chörherrn dez capitels dez goczhawz ze Pazzaw, und wann ich abgen und nymer pin so sind die selben czehent mit allen rechten eren und nuczzen besüecht und unbesûcht und waż darzù gehort ez sey chlainer czehent oder grozzer, meinen vorgenanten herren den chörherrn ze Pazzaw gancz und gar angevar ledig waren und mûgen allen iren fruem damit geschaffen als mit andern iren ledigen gûtern wie sew verlust, da wider und auch dhainer meiner vreunt oder erib wie der gehaizzen wär chriegen noch sprechen schol noch mag in dhainer weys weder mit recht noch an recht weder geistleich noch weltleich, und wo si daruber chriegten so habent si verloren und unrecht und mein herren die chorherrn allew recht hincz in erlangt und behabt. Hie sind nu ze merchen die czehent, dez ersten den czehent dacz Rüdleiching dacz Wakerspach und dacz Galzspach in den drin dörffern, dacz Michelpach auf dem hof, den czehent dacz Ayspolczchirichen in dem dorff und den halben czehent der haist der Parczner, den zehent dacz Peuerbach und den zehent dacz Everding auf dem Faüstelhof auf dem Chirichhof den zehent und auf ettleichen guetern der nam in dem brief nicht geschriben stet. Ich vergich auch daz ich von den vorgenanten zehenten aller järchleich ze drein tägen in dem jar zu sand Andres tag und sand Michels tag und zu unsrer vrawn tag in dem habersnyt unsern offtgenanten herren den chorherren ze Pazzaw oder irem chellner raichen und geben schullen syben phunt Pazzawer phening die dann gib und gäb sind an allen abganch wie die jär stent. Ez ist auch ze merekchen, daz mein vater Ulreich der Oeder dem Got genad, in sein gewalt bestift und pracht hat ze vir leiben von den obgenanten unsern gnädigen herren den chorherrn des capitels ze Pazzaw dez ersten zu sein selbs leyb und seiner hawesfrawn ver Diemuten und ver Marigreten seiner tochter säligen die ab gangen sind und meinen leyb. Und seind ich der lest leyb pin sag ich die obgenanten zehent als oben begriffen ist mit meinem tôd ledig alz auch mein brief lawtent und sagent die ich von dem vorgenanten capitel ze Pazzaw daruber han. Und darwber zu einer pessern sicherhait und zu einer waren uerchunt und zeugnuzz gib ich in den brief versigelten mit der erbern lawtt Hlainreichs dez Lanchseiten zden zeiten richter ze Linz und mit Hainreichs dez Löfteins die zeit dez racz daselbs anhangunden insigeln. Der brief
RkJQdWJsaXNoZXIy MjQ4MjI2