488 Lambach alle jar jerleich ain jartag haben und begen süllent an sand Annen abent mit der vigili, und an sand Annen tag mit einem selampt daz der appt selb singen haben und handeln sol mit ganzer wirde und gaistlicher ordnung alz dartzue gehöret und billichen ist, und von den egenanten gueten sol den herren in das revent gevallen ain halb phunt wienner phening daz in der appt raichen und geben sol an sand Annen tag an alle irrung. Ez sol auch derselb jartag von dem appt und dem covent besorgt werden mit wahs mit licht und mit aller zuegehorung. Wer aber daz der appt und der covent ze Lambach daz also nit volfurtten alz vor geschriben stet, so habent sich die vorgenanten guet mit aller zuegehorung vervallen in unser aller unser erben und nachkomen gewalt an alle widerred krieg und ansprach, und sullu si daz mit nihte widersprechen weder mit gaist¬ lichem noch weltlichem rehten wie daz jemant erdenchen oder erfinden mag an alles geverd. Mit urkund des briefs den wir darüber geben versigelten mit unserm insigel, geben ze Schawnberg an freitag vor sand Michels tag do man zalt von Kristi gepurd tausent drewhundert jar und darnach in dem sibentzigistem jare. Orig., Perg., im Stiftsarchiv zu Lambach; Siegel verloren. CDXCIII. 1370. 29. September. — Die Brüder Ott und Heinrich von Ernvels verkaufen den Hof zu Lugham in der Pfarre St. Florian dem dortigen Kloster. Ich Ott von Ernvels und ich Heinrich von Ernvels wier paid pruder und all unser erben wir vergchen, daz wir verchaufft und gegeben haben dem ersamen geistleichen herren brobst Weyganden und dem convent datz sand Florian unserm (sic) hof datz Lughaim und di hoffstat doselbs und das wismad und das holtz das wir doselbs besunder ungedientes gehabt haben und das unser recht vreiz aygen gewesen ist ledichlich an allew erbvogtey und ist gelegen in Florianer pharr, umb hundert und achtzik phunt phenning wienner munss der wir gantz und gar von in ze rechten tægen gericht und gewert sein. Wir haben auch in das obgenant guet alles geben aus unsrer nutz und gewer in ir nutz und gewer mit allen den nûtzen ern und rechten und darzü gchörent. Ich obgenanter Ott von Ernvels und mein prûder Heinreich und all
RkJQdWJsaXNoZXIy MjQ4MjI2