482 CDLXXXVI. 1370. 24. August. — Revers Ulrichs des Mayer zu Gotting rücksichtlich seiner Baupflicht und seiner Gaben von der Oed Grillenporz in der Enzenkircher Pfarre an das Capitel zu Passau. Ich Ulreich der Mayer von Gotting mein hausfraw und all unser erben verjehen, daz wir unsern genädigen herren den chor herren ze Pazzaw aller järleichen raichen und geben sullen an sand Marteins tag von der oed di da haisset der Grillenpörez in Enczenchircher pfarr gelegen achczk pazzawer phening di dann gib gäb sind, und damit zway hüen. Tätten wir dez nicht wie getanen schaden dez unser vorgenant herrn nämen, den sull wir in ganz und gar ab tün und mügen uns darumb pfennten auf aller unser hab mit unserm gütleichen willen wo wir di haben oder chunftigchleich gewinnen mügen ez sei inner lancz oder ausser lancz wo di gelegen ist, und schullen pfant nicht versten in dehain weys und mugen auch unser obgenant herrn oder ir amptlaût von den selben pfanten ir vodrung bechomen, und waż si dez schaden genomen hieten wie sew verlustet, dawider wir nicht sullen noch mugen weder mit recht noch an recht in dehain weys, und wo wir da wider chriegten geist¬ leich oder weltleich, so hab wir verlorn und unrecht und unser herrn allew irew recht hincz uns verlangt und behabt. Ez schullen auch unser oft genant herrn an ierem dienst und vodrüng nichcz engelten weder schawer noch pesezz noch dehamerlay presten wie der genant mocht sein. wer auch daz wir verseczen oder verchauffen wolten, so sull wir all zeit unser herrn di chorherrn vor allen laüten anpietten, mainten si dann nicht ze chauffen darnach und wir si an pietten in vier wochen, so mug wir unser früm schaffen und gein soleichen laûten alain von den si ires dienstes und vodrung bechomen mugen und daz trew paulaût sein, und daz sol allczeit mit unsrer vorgenanten herrn oder iers chellner gunst und willen geschechen, geschäch ez aber mit irem willen nicht so sol ez dchain chraft nicht haben, wann auch ich vorgenant Utreich ab gen, so sol all zeit der elter erib nach mir ez scy fraw oder man von unsern vorgenanten herren oder irem (chellner) daz vorgenant eribrecht raichen und enphahen als sittleich und gewondleich ist. und daz in daz alles stat und unzebrochen beleib geb wir in den brif versigelt mit dez erbern herrn herrn Hainreichs
RkJQdWJsaXNoZXIy MjQ4MjI2