481 geswarn und der gemain zder Vreinstat und der ewigen mess di der erberig man Urich der alt Ochssel emoln purger zder Vreinstat dem Got genad gestyfft hat in san Kathrinchirchen da selben auf sand Margreten altar und dem capplon dezselben altar wi der genant ist und allen sein nachomen di denn nach im chünftig capplon sint dezselben altar, umb achtzik pfunt alter wienner pfening der wir gantz und gar gericht und gewert sein zu rechten tagen. Wir haben in auch den vorgenanten hoff versatzt mit allem dem daz darzu gehórt . ... . . Ez ist auch losung alle jar jerlichen ze ostern acht tag vor und acht tag hin nach, und wenn si dez saczz nicht lenger wellent inn haben so schullen si uns di losung anpieten mit ainer gewizzen zu rechter losungzeit, losten wir denn von in nicht in den nachsten viertzehen tagen, so habent si fürbaz vollen gewalt den egenanten saczz ze verseczzen und ze verchauffen wem si verlust umb di vorgenanten pfening mit unserm gutlichen willen und schullen wir sew dar an nichtz irren noch hindern weder mit recht noch an recht . . . Daz den erbern purgern dem rat und den gesworn und der gemain zder Vreinstat und der ewigen mess di der obgenant Ulreich der alt Ochssel gestifft hat daselben in sand Kathrin chirchen auf sand Margreten altar und dem capplon dezselben altar und allen sein nachomen di denn nach im chunftig capplon sint dezselben altar di red und di wandlung also stêtt und unczerprochen beleib, daruber so gib ich obgenanter André von Haunsperg und alle mein erben in den offenn brif versigelt mit meim anhangunden insigel. und zu ainer zeugnusse versigelt mit meins lieben oheim herrn Ulrichs des Anhanger anhangunden insigel und mit meins lieben swager herrn Veytz dez Anhanger anhangundem insigel und mit meins lieben öheim Marchart des Sluzzelberger anhangunden insigel und mit dez erbern edeln herren herrn Jansen von Trawn zder zeit haubtman zder Vreinstat anhangundem insigel. Der brif ist geben da man zalt nach Christes gepurtt dreuczchen hundert jar und darnach in dem sibentzigistem jar dez critags vor sand Jacobs tag des heyligen zweliff potten. Orig., Perg., mit fünf Siegeln im Stadtarchiv zu Freistadt. — 1. der Schild der Haunsperger mit den zwei Hirschgeweihen. 2. drei Ringe im Schilde. 3. der gewöhnliche Schild der Anhanger mit den drei Blättern an einem Aste. 4. zwei von einander gekehrte Schlüssel auf einem dreifachen Hügel. Urkundenbuch des Landes ob der Enns VIII. Bd.
RkJQdWJsaXNoZXIy MjQ4MjI2