477 Mathez von Nadelnpach pfeningen die er den vorgenanten purgern hintz irn trewen enpholhen hiet dem Got genad, daselben in sand Kathrein chirchen auf sand Wentzlas und sand Jórgen altar auf der porchirchen, und hern Chunrat dem Semelröken zder zeit capplon dezselben altar und allen sein nachômen die nach iem chünftig capplon sint dez vorgenanten altar, umb hundert pfunt und umb dreizzik pfunt alter wienner pfening der wir gantz und gar zu rechten tagen gericht und gewert sein. Wir haben in auch den vor¬ genanten hoff mitsampt den vorgenanten zwain guttern verchaufft mit allem dem daz darzu gehört, und haben in die auch geantwürt auz unser nutz und gewer in ir nutz und in ir gewer mit allen den nutzzen ern rechten und diensten die davon bechomen mugen und alz wir sew und unser vorfordern her gehabt haben in nûtz und in gewer also mit auzgenomener red, daz si furbaz damit schaffen schúllen allen irn frum wie si verlust alz mit anderm irm aygen¬ hafften gut mit unserm gütlichen willen, und schüllen wir sew daran nichtz irren noch hindernt (sic) weder mit recht noch ane recht. Wir sein auch dez egenanten chauffs auf den egenanten güttern ir gewer an aller stat ze hoff ze tayding wo in dez not und dürfft geschiecht für alle ansprach und chrieg nach dez landez recht in Osterrich. Têtt wir dez nicht waz in daran abgieng mit ain rechten, wittan schaden si dez nemen den der erberigen pürger ainer oder der capplon pei irn trewen ungesworn und unberecht gesprechen möchten, denselben schaden mitsampt dem haubtgut schüllen wir in ablegen gantz und gar und schullen si daz haben datz unsern trewen und auch auf aller der hab, die wir haben inder lantz und auzzer lantz versucht und unversucht, und schullen si ûns darauf phenten ane allez gericht und fürpôtt wo si ûns und unser hab anchoment, auf lant auf ważzer in stêtten und auf panmarchten, umb haubtgüt und umb schaden mit unserm gutlichen willen, und schullen si dez unengolten sein gen allen herrengerichten noch chain vintschafft darumb haben von uns noch von unsern wegen. Daz den erbern purgern dem rat und den gesworn und der gemain zder Vreinstat und der ewigen mess die die egenanten purger mit Mathez von Nadelnpach pfeningen gestyfft haben auf sand Wentzlaz und sand Jorgen altar, und hern Chunrat dem Semelroken zder zeit capplon dez selben altar und allen sein nachômen die nach im chünftig capplon sint dezselben altar die red und die wandlung also stett und
RkJQdWJsaXNoZXIy MjQ4MjI2