476 CDLXXX. 1370. 10. Juli. — Johann der Gutgesell verzichtet auf den Hof im Reut, welchen sein Schwager Jacob von Weinzierl dem Kloster Schlierbach gegeben hat. H Johans der Gûttgesell mein hawsfraw und mitsampt uns all unser eriben wir tun kunt umb den hoff im Rawt, den unser lieber swager Jacob und unser liebew swester vrow Ann sein elichew hawsfraw von Weinzurll hin habent geben den erssamen gaystlichen vrowen zù Slyrwach. Dez selben hoffs und waz darzù gehort ver¬ zeihen wir uns gar und gentzlich also, daz wir und all unsser nach¬ komeń chain ansprach nach dem selben hoff und waz darzu gehort nicht mer haben schüllen weder mit recht noch an recht. Daz unsern lieben genedigen gaystlichen vrowen zù Styrwach daz also staet und unverchert von uns peleib, daruber geb wir in den offen prief besy¬ gelten mit unserm anhangenden insygel, und zù ainer pezzer sicher¬ hait der worhait mit unssers lieben öhaims anhangenden insygel versygelt Thomans dez Hayden. Der prief ist geben dez mitichens vor sant Margareten tag dez jars do man zalt von Christi gepürt drewtzchen hundert jar darnach in dem sybentzkysten jar. Orig., Perg., mit zwei hängenden Siegeln von gelbem Wachs im Archiv des Klosters Schlierbach. CDLXXXI. 1370. 12. Juli. — Andreas von Haunsperg verkauft an die Bürger zu Freistadt zu der in der dortigen St. Katharinen-Kirche durch Mathes von Nadelnpach gestifteten Messe Gûter in den Pfarren Neumarkt und Gutau. ICH André von Haunsperg und mein hausvrawe und alle unser payder erben verjehen, daz wir mit gesampter hant verchaufft haben unsern hof genant der Payerhoff da zder zeit Friderich aufgesessen ist und der gelegen ist in Neunmarchter pfarr und der unser vreys aygen gewesen ist, und darzu unser gut datz Erling da zder zeit Jacob aufgesessen ist, und daz gut datz Pósenberig da zder zeit Ulreich aufgesessen ist und die paydew gelegen sint in Guttawer pfarr und die auch unser vreys aygen gewesen sint, den erbern purgern dem rat und den gesworn und der gemain zder Vreinstat und der ewigen mess die die erbern purger gestyfft habent von
RkJQdWJsaXNoZXIy MjQ4MjI2