466 gar und gantz auf ein gantz end verriht han mit meinem lieben herren hern Lienharten dem Poppenperger umb di chapplaney und umb all sach di ich mit im ze handeln het also, daz ich und all mein frewnt nimmer mer chain ansprach schüllen gehaben noch gewinnen noch chainen chrieg weder mit reht wie di genant sein noch an reht gein im oder gein seinen erben weder umb di chapplaney noch umb anders ihts, und schol mir daz drittail hewr nach volgen an all hin¬ drung. Darumb zü einer stätichait und zü einer urchünd gib ich im den brief versigelten mit dez erbern herren hern Albrehtz abt ze Aspach anbangunden insigel im und seinem gotzhaws an allen schaden, darunder verpint ich mich mit meinen trewn wan ich jetzunt niht aigens insigels han, alles daz stet ze haben und ze vol¬ fürn daz an dem brief geschriben ist. Daz geschach nach Christes pürt dreizehen hundert jar und in dem sibentzigstem jar an dem freitag ze mitter vasten. Orig., Perg., das Siegel in weissem Wachs; im königlich baierischen all¬ gemeinen Reichsarchiv zu München. CDLXX. 1370. 28. März. — Friedrich der Rot verkauft sein Besitzthum zu Reimoltzberg bei Partenstein, das passauisches Lehen, und die Hube zu Windorf an Georg Eitzinger. Ich Fridreich der Rot und ich Peter Seyfrid und Kristan gebrueder desselben hern Fridreichs des Roten sun all unser haus¬ frawen und erben wir verjehen, daz wir ze chauffen geben haben unsers rechten lehens ain hoff ze Reymoltzperg und ain müll gelegen darunder bei Partenstain und zwe hofstet gelegen bei demselben hof ze Reymoltzperg und unsers rechten aigens ain hueb ze Wyn¬ dorff, daz ander alles lehen ist von dem hochwirdigen fuersten herrn Albrechten bischof ze Pazzowe uud seinem goczhaus daselben, dem ersamen ritter herrn Goergen dem Eijtzinger allen seinen erben wie die genant sind, umb ain gelt des wir gantz und gar geriht und gewert sein von in, und haben in denselben hoff die müll die hueb und die hofstett alz daz oben benant ist mit allen eren rehten und nützen alz daż darzue gehört und alz wir daz und unser vodern in nutz und in lehens gewer herbraht haben ez sei gestift oder unge¬ stift holtzz veld ważzer waidstock stain ekker und rayn oder wie so
RkJQdWJsaXNoZXIy MjQ4MjI2