461 gnädigen herren hern Rügern von Starchenberch und allen sein eriben unsern hof ze Riczsteig und unser zwai tail zehencz auf dem¬ selben hof und ist auch gelegen in Helmansóder pharr. Wir haben in auch den égenanten hof und zehent cze kauffen geben mit allen den rechten alz wirs von in ze lehen haben gehabt, und auch mit allen den ern rechten und nuczen di zu dem vorgenanten hof und zehent gehórnt, auz unser nucz und gewer in di iren umb ein gelt dez wir gancz und gar geriht und gewert sein an allen unsern schaden, also mit auzgnomen warten, daz wir noch dhain unser eriben und nachomen furbaz ewichlich nimmermer dhain ansprach noch zuver¬ sicht nach dem egenanten hof und zehent gehaben noch gewinnen sullen noch mugen wann wir gancz und gar darumb furziht getan haben, also verziht verkauffens und dez landz recht ist ob der Enz. Wir sein auch dez egenanten hofs und zchencz alz ez oben an dem brief geschriben stet ier rechter gewern und ir fürstant für al ansprach an aller der stat da in sein not und durft geschicht also dez landz recht ist ob der Ens. Auch ist ze merkchen daz ich vorgenanter Utrich Swarcz mein hausfraw und all unser criben den egenanten hof und den zehent alz ez vorgeschriben stet verkauft haben mit meiner libm pruder Eberleins und Leben der Swarczen und mit aller irer eriben willen und wartt. Und daz di red also stat und unze¬ brohen beleib, daruber so geben wir den brief versigelt ich egenanter Ulrich der Swarcz mit meinem anhangunden insigel, und ze einer pezzern sicherait und zeugnuzz under unserz libm gnadigen herren hern Hansen von Trawn und under unserz libem vetern Sigharcz dez Swarczen und under unsern sunderm frewnez Leben dez Stetnar anhangunden insigilln, darunder ich mich egenanter Eberlein und Leb di Swarczen und all unser criben verpinden mit unsern trewn, alz daż stat ze haben daz vor au dem prief geschriben stet wann wir zder zeit aigner insigillen niht gehabt häben. Der prief ist geben nah Kristz gepurd uber drewczehen hundert jar darnah in dem sibenczkistem jar am nagsten phincztag vor sand Gregorij tag in der vasten. Orig., Perg., mit drei hängenden Siegeln von gelbem Wachs, das des Trauners abgefallen. Schlossarchiv Riedeck, jetzt in Eferding
RkJQdWJsaXNoZXIy MjQ4MjI2