452 purchrecht recht hat zder Vreinstat also mit auzgenomener red, daz der vorgenant Merttein der Püller wider geschafft hat ain ewiges pfunt pfening geltz auf den egenanten zwain protyschen, derselben pfening hat er geschafft zu dem gotzhaus datz sand Peter syeben schilling und zwen pfening wienner, die er oder wer die selben zwen protyschs nach im innhat alle jar jerlichen dahin rayhen und geben sol ze weyhenacht an allez verzichen umb ain ewiges nachtliecht daz da alle nacht prinnen sol an allen abganch andrer gestyfften liechtern in der newen cappelln datz sand Peter Got und unsrer vrawen ze lob und ze êrn und allen heyligen und seiner sel und allen sein vor¬ fordern seln ze hilf und ze trost. Wer aber daz ich obgenanter Herman Zinispon zder zeit zechmaister dez vorgenanten gotzhaus oder mein nachchomen die denn chimftig zechmaister sint daselben, daz egenant nachtliecht liezzen abgen, von welhen sachen daz chom so schüllen sich die erbern purger der rat und die gesworn der vor¬ genant zwen und suben schilling wienner pfening ewigez geltz under¬ winden auf den egenanten zwain prottyschen und schullen si nach irrn trewen daz vorgenant gelt anlegen an ain ander selgerat da ez auch wol gelegen ist an allen abganch wenn in der vorgenant Mertt der Puller daz geschefft enpholhen hat hintz irn trewen alz si der stat und dem land geswórn habent, daz si darzu sehen daz im und seiner sel daz geschefft stêtt beleib alz vor geschriben ist. Und di ubrigen ane zwen dreizzik pfening ewiges geltz auf den obgenanten zwain prottyschen di hat der egenant Mertt Puller geschafft hintz sand Kathrein in der purger zêch damit er sich in die pruderschafft derselben zech chaufft hat, und di er oder wer die egenanten zwen prottysch nach im innehat alle jar jerlichen darrayhen und geben schullen an dem sunwenttag, und hat auch der purger zechmaister vollen gewalt darumb ze nôten und ze phenten. Daz dem vorgenanten Mertein dem Puller und seiner sel und aller seiner vorfordern seln daz geschaefft also stêtt und untzerprochen beleib, daruber so gib ich obgenanter Herman der Zinispon purger zder Vreinstat und zder zeit zechmaister dez obgenanten gotzhaus und alle mein nach¬ chomen die denn chunftig zechmaister sint datz sand Peter den offenn brief versigelt mit meim anhangunden insigel, und mit der erbern Vreinstat anhangunden insigel daz die erberigen purger durch unsrer pet willen an den brief gelegt habent zu ainer zeug¬ nusse in ane schaden. Der brief ist goben da man zalt nach Christes
RkJQdWJsaXNoZXIy MjQ4MjI2