450 Nadelnpach emoln purger 2der Vreinstat, dem Got genad, gestifft hat in sand Kathrinchirchen auf sand Wentzlas und sand Jörgen allar auf der porchirchen mit den phennigen die er den obgenanten purgern enpholhen hat, hintz irn trewn und den erbern herren herrn Chunrat den Semetrokchen den di egenanten purger darauf gewidemt und bestett habent zu ainem rechten capplon und allen sein nachchomen die denn nach im chünftig capplon sint dez vorgenanten sand Wentzłaz und sand Jorgen altar, umb. anderthalbs hundert phunt wienner phenning der wir gantz und gar zu rech'en tagen gericht und gewert sein. Wir haben in auch den vorgenanten hofl und di vorgenanten zwo hueb versazt mit allem dem daz darzu gchort .. . und haben in auch den vorgenanten satz geantwurt auz unser nutz und gewer in ir nutz und in ir gewer mit allen den nutzen ern rechten und diensten di davon bechomen mugent und alz wir si und unser vorfordern her gehabt haben in nutz und in gewer. Ez ist auch losung all jar jerlichen an dem lichtmesse tag acht tag vor und acht tag hinnach, und wenn si dez satzz nicht lenger wollent innhaben so schullen si unz di losung anpieten mit ainer gewizzen, losten wir denn von in nicht in den nächsten viertzehen tagen so habent si furbas vollen gewalt den vorgenanten satzz ze versetzzen und ze vérchauffen wem si verlust umb di vorgenanten phennig mit unserm gûtlichen willen und schullen wir si daran nichts irren noch hindern. Wir sein auch des égenanten satzz ir gewer an aller statt, ze hofl ze taiding wo in dez not und durfft geschicht fur alle ansprach und chrig nach dez landez recht in Osterreich. Tett wir dez nicht waz in daran abging mit aim rechten, wittann schaden si dez nemen den ir ains pei sein trewn ungesworn und unberecht gesprechen mocht. denselben schaden mit sampt dem hauptgut schullen wir in ablegen, und schullen si daz haben datz unsern trewn und auch auf aller der hab di wir haben, und schullen si uns darauf phenten an allez gericht und fürpott wo si uns und unser hab anchoment auf lant auf ważzer, und uns und di unsern aufhaben in stetten und auf panmarchten, und schullen si dez unengolten sein gen allen herren gerichten noch chain vintschafft darumb haben von uns noch von unsern wegen. Daz den erbern purgern dem rat und den gesworn und der gemain zder Vreinstat und der ewigen mess di Mathe von Nadelupach gestifft hat als vorgeschriben ist und herrn Chunraten dem Semetrocken zder zeit capplon der obgenanten messe auf sand
RkJQdWJsaXNoZXIy MjQ4MjI2