448 CDLIV. mab 1370. 18. Jäner. — Kraft von Harroch versetzt mehrere Güter in den Pfarren Waldenburg und Neumarkt dem Heinrich Jäger, Bürger zu Freistadt um 72 Pfund Pfenning. Ich Chraft von Harroch und alle mein erben vergehen, daz wir versaczt haben unsrew zway rawtter, daż ain ze Laubendorf da zeder zeit der Cholb auf gesezzen ist, daz ander in der Gruch da zeder zeit Wernhart auf gesezzen ist und unser vreyzz aygen sind, und auch den zehent der darczü gehört und auf den rawttern ist und allez in Waltpurger pharr gelegen ist, und dar zu di hueb in der Aw di auch unser vreyzz aygen ist und gelegen in Newn¬ marcheter pharr, dem erbern mann Hainreichen dem Jaeger purger zeder Vreinstat seiner hawsvrowen und allen iren erben umb zway und sibenczig phunt alter wienner phenning der wir gancz und gar von in gericht und gewert sein. Wir haben in auch di vorgenanten gueter und zehent versaczt mit allem dem daz darzü gehört. Wir haben in auch den egenanten saczz geantbürtt auz unser nuczz und gewer in ir nuczz und gewer mit allen den rechten eren nüczen und diensten als wir sew in nuczz und in gewer herpracht haben. Iz ist auch losung alle jar järleich zeder lyechtmisse vierczehen tag vor oder vierczehen tag hin nach, und wenn si den egenanten saczz nicht lenger inn haben wellent oder mochten, so sullen si uns di losung mit einer gewizzen anpieten, lostt wir dann von in nicht ze den taegen und vorgeschriben stet, so habent si vollen gewalt den vor¬ genanten saczz verseczen verchauffen wem si verlustt und allen ir frum damit schaffen mit unserm guetleichem willen. Wir sein auch des egenanten saczz ir recht gewer an aller stat wo in des not und durft geschicht nach des landes recht ze Osterreich. Waer aber daz in mit recht dar an abgieng, wiettann schaden si des namen den ir ainz unberecht und ungesworn bei sein trewn gesprechen mag irn wartn darumb zegelauben, den selben schaden mit sampt dem haupt¬ gut sullen wir in allen abtún und widercheren an alle widerrede und an allen irn schaden, und sullen daz allez haben dacz unsern getrewn und auf aller unser hab, wo wir di indert haben inner lants oder auzzer lants. Si habent auch des vollen gewalt und recht da von zebechömen irs vorbenanten hawptguets und scheden und sich selb
RkJQdWJsaXNoZXIy MjQ4MjI2