446 CDLII. 1370. 6. Jäner. — Pernger der Vidorfer setzt zur Sicherung der Morgengabe seiner Hausfrau Elsbeth den Hof zu Vidorf als Pfand. Ich Pernger der Vidorffer und mein erben vergehen, daz ich recht und redleichen gelten schol meiner lieben wirtin vrawen Elzpeten für ier rechteu margengab hundert phunt phenning wienner munizz, da ich ier recht und redleichen für gesetzzt han meinen hof ze Vidorf mit allen den ern rechten und nutzzen und dar zu gehört also beschaidenleichen, daz mein wiertin vraw Elzpet schol mit sampt mier den ee genanten hof und alls daz darczü gehört schol ynn haben nutzzen und nyessen mit allen den rechten alz vor geschriben stet cze unser peder tegen. Ez wer dan als vil daz wier erben mit einander gebunnen, so schol der vorgenant hof nach unser peder teg gevallen auf unser peder erben. wer aver daz wier an erben abgiengen, so schol der hof und waz darczu gehort nach meiner lieben wiertin tad herwider erben auf mein nast vreunt. Ez schul auch mein hausvraw Elzpeth nach meinem tad den offt genanten hof und als daz von alter darczu gehort nutzzen und nyessen in allen den rechten alz saczz und margengab recht ist und gewanhait in dem lant cze Osterrcich. Nem mein vorgenanteu hausvraw daran schaden mit recht mit welicherlay invell daz wer den si ungeswarn gesprechen mag pei iern trewn, den schol ich ier ablegen und wider¬ chern an chlag und an furbot und an all ier mue, und si mich auch darumb nätten und phenten mit meinem gütleichem willen auf wasser und auf lant in steten und in merchten, und schol ier dez helfen und mich darumb nötten wer dez hertzogen marschalich ist in Osterreich. Si schol ez auch haben auf mir und auf aller meiner hab di ich han oder die ich noch gewinn in dem lant ze Osterreich oder wo ich deu han. Und daz ier di red und di wandlung und der satz steit und unczebrochen beleib, daruber gib ich vorgenanter Pernger der Vidorffer meiner lieben hausvraw und meinem liewen slafgesellen vraw Elzpeten den prieff versigilt czu einem offen urchunt und czu einem warn czeug der warhait bestetigt mit meinem anhangunden insygill; und dez sint czeug durich meiner vleiszigen pet willen der erber ritter her Othacher der Wolfstayn und Ulreich der Reykkerstorffer Chunrat der Schermer mit iren anhangunden ynsigil.
RkJQdWJsaXNoZXIy MjQ4MjI2