444 genanten drein auzgetzaigten aigen noch hintz aller irr varunden hab di ir in den vodern zwain briefen und im gegenwurtigen taiding¬ brieff gemeldet ist oder noch hernach daran berurtt wirtt, also baidenthalben gen einander dhain ansprach recht noch vodrung jetzund noch hinfur kunftichlichen nymmermer haben noch nicht gewinnen weder mit recht geistlichen noch an recht in dhainem weg dann als vil, daz sunderwar nutzemalen bedacht und mit unser gutem willn redlichen getaidingt ist umb die achtt hundertt phunt wienner phenning der si warttund ist und der si oder ir nachst vreunt oder wem sis schafft gewert sulln werden von den ambtten der mautt und zolln hie ze Pazzowe und von der mautt ze Obern¬ perg di ir und uns mitsambt der vestt und phleg Marspach stent also, wie vil ir der selben acht hundert phunt zu den nachsten künf¬ tigen liechtmessen auzzligent und abgen werdent darumb wir von ir danne nicht gegenbriff haben angever, dez selben abgangs sulln wir den obengenant vrown Elzbeten oder ir nachst vreunt oder wem sis geit oder schafft darnach auf die phingsten di schirst chomend gäntzlichen richten und völlichlichn wern. Tæten wir des nicht, wietan schaden si danne nimbt den si oder irr nachsten vreunt ainer bei seinen trewn an aid unberecht gereden mag, den sulln wir in mitsambt dem hauptgut abtun und widerchern und sullen si daz haben auf aller unser hab unverschaidenlichen wo wir di haben oder lazzen. Auch sullen wir di sel unvertzogenlichen in allen sachen bedenchen trewlichen nach gôtlicher lib besorgen alz daz mit rêd und taiding herkomen ist. Dartzue ist vor und jetzund gerêtt und betaidingt, daz ich vorgenanter Jacob der Grüber mein hausfraw und all unser criben all unsers sweher und vater ires wirtes dez mautter säligs gelter und ob diselb vrow Elzbet mitsambt im yembt icht schuldig wär gewesen oder noch in geltschuld von seinen wegen wär mit briefen oder an brief, und waz derselb mautter hintz seiner hab und gute zusprüch chrieg oder anvalle und irrsals hinder im lazzen hat von wem daz ist oder hinfûr wirtt wie oder als offt sich daz fügtt, daz sullen wir allez von unserm egenanten eribtail und von aller unserr hab unvertzogenlichen auzrichten und gentzlichen stilln, doch ir und iren vreunten aller handlung an irr hab ungolten und an schaden ungeværlichen. Mit urchund des briefs den wir in darüber geben haben besigelten ich vorgenanter Jacob Gruber mit meinem anhangundem insigel, und zu einer getzeugnuzz mit der erbern
RkJQdWJsaXNoZXIy MjQ4MjI2