438 ODXLIV. 1369. 28. October. — Ulrich der Pumper zu Weissenkirchen reversirt über den Dienst von einem dem Abbte zu Garsten abgekauften Weingarten in der Wachan. ICH Ulreich der Pumpper dacz der Weissenchirichen vergich umb den weingarten gelegen an dem Hewsteig in der Wochaw pei der Weissenchirichen da von man geit jerleich ze purchrecht an sand Michels tag in des Rotenmuncz lehen daselbs ainen wienner pfening, daz ich mir meiner hausfrawn Katrein unser paider erben denselben weingarten han geworifen und gechaufft von dem ern¬ wirdigen geistlichen herren abbt Niclasen ze Gersten in sogetaner maynung, daz wir im und seinem genanten gotshauzz davon jerleich an sand Michels tag in seinen hof ze Wesendorf dienen schüllen und unverczogenleich raichen sechezk pfening wienner munzz. Têt wir des nicht so sei wir im des wandels darzue vervallen nach des tals gewonhait und recht in der Wochaw und mit ausgenomen worten, ob wir den selbigen weingarten nicht rechtleich pawn oder mit willen dem paw verczichen wolten und verczugen daz mit einer gewizzen und mit chuntschafft wurd ersichert, so sind unserew recht darauf genczlhich ab und verlorn. Wier mügen auch denselben weingarten anderswohin umb unser notdurfft verchumbern mit ver¬ seczen oder mit verchauffen unverczigen der rechten die hievor an dem prief sind geschriben, darüber zu ainem urchund der worhait gib ich dem vorgenanten gotshaus ze Gersten den prief versigelt mit des erbern manns anhangunden insigel Niclas des Juden daez der Weissenchirichen, darunder ich mich mitsampt meinen erben mit meinen trewn verpint stat ze haben alz daz hie an dem prief stet geschriben wan ich selb nicht aygens insigels han. Der prief ist geben nach Christs gepurd dreuczehenhundert jar in dem newn und sechczkisten jar an der heiligen zwelifpoten tag sand Symon und sand Judes. Orig., Perg., im chemaligen Archiv von Garsten, mit einem hängenden Siegel von gelbem Wachs.
RkJQdWJsaXNoZXIy MjQ4MjI2