437 CDXLIII. 1369. 21. October. — Oto von Volkensdorf vermacht der Klosterfrau zi Pulgarn Elsbeth der Merschwangerin und eventuell diesem Kloster ein Gut zu Lanzenberg in der Pfarre Hofkirchen. (1)CH Ott von Volchensdorf und mit mier all mein erben ver¬ jechen, daz wier geben haben durich Got und durich unser sel hail willen und geben mit bezeugnus des priefs dem chloster ze Pulgarn und der erwirdigen geistleichen vraun vraun Elzpeten der Merswancherin unsers vrein aygen ain gût genant ze Lanczenperg gelegen in Hofchiricher pharr ob der Ens, und ist ze der zeit Albrecht der Sterber darauf gesezzen und dient man järleich von dem selben güt ain mutt chorn und ain mutt habrn und ein halb phunt phenning fur ein swein, und haben in daz vorgenant güt geben mit alle die und darzue gehort versucht und unversucht mit alln den rechten eren und nuczen als wier ez selb in aygens gewer unversprochenleich haben gehabt mit allu den nuczen di davon chomen mogen und die wier davon haben gehabt also beschaidenleich, wan ich vorgenanter Ott von Volchensdorf stirib, erst so schol nach meinem tod der vorgenanten vraun Elzpeten der Merswancherin ze Pulgarn gevalln, und di schol dann daz zü ieren lebtägen inne haben zü einer pezzerung ierr phrunt uncz an ieren tod, und noch ierm tod so ist dann daz gût des vorgenanten chloster ze Pulgarn und der geistleichen vraun daselbs, und schol daz hinfür ewikchleich ier ledigs und ier vreis güt sein und schullen sy daz haben zû ierm chloster recht als anders ier vreys aygen und güter di zu ierm chloster gehorent. Ez schullen auch all mein erben und vreunt dhain recht an dem gut nimmermer gehaben weder vil noch wenich noch dhain ansprach dargegen gewinnen weder mit recht noch an recht hinfür ewikchleich. Des ze einem ewigen warn urchünd geben wir der oftgenanten geistleichen vraun vraun Elzpeten der Merswancheryn ze Pulgarn und auch dem selben chloster ze Pulgarn den offen prief besigelt mit mein vorbenanten Olten von Volchenstorf anhangundem insigel. Des ist auch mein ochaim Eberhart von Chappellu ze der zeit hauptman ze Ens gezeug mit seinem anhangunden insigel yem an schaden. Der prif ist geben an der aindleftausent maid tag nach Christi gepürd dreut¬ zehenhundert jar in dem naun und sechczkisten jar. Orig., Perg., die Hängesiegel abgefallen. Stiftsarchiv St. Florian.
RkJQdWJsaXNoZXIy MjQ4MjI2