436 getreuen Andren den Grueber durch der dienst willen die er uns gethan hat und die er unss noch fürbass gethuen mag und soll gegunet haben und erlaubeten gunnen und erlauben auch, dass er das purkstall genannt der Stain bey Liebenstein aufvahe und darauf ein vossten bauen mag, und sol er und seine erben mit derselben vössten unss dem chegenannten unssern brueder und unsern erben wartunt und gehorsamb seyn und unss die ze unsern notturften offen haben an iren mörkhlichen schaden und auch unss noch unsern land¬ leuthen darauss kheinen schaden thuen (noch) des jemand gestaten daraus ze thuen an alles gevärt. mit urkhundt des brieffs, geben zu Linz am freytag nach S. Michelstag nach Kristi gepurt dreyzehn¬ hundert jar darnach in dem neun und sechzigisten jahr. Hormayr Archiv 1826 p. 630. CDXLII. 1369. 5. October. Linz. — Revers Andre's des Gruber, mit der Veste Stein bei Liebenstein, welche ihm Herzog Albrecht aufzubauen erlaubt, demselben gchorsam zu sein. Ich Andre der Grüber vergich offenlich mit disem brief für mich und für mein erben, wan mir der hochgeborn fürst mein genediger herr herczog Albrecht von Osterreich etc. gunnet und erloubet hat das purchstal genant der Stayn bei Liebenstain auf¬ czevahen und darauf ain veste ze pawen, hab ich im dem hoch¬ gebornen fursten herczog Leupolten von Osterreich etc. seinem brüder ouch meinem genedigen herren und irn erben verhaizzen und gelobt für mich und für mein erben verhaizze und gelob ouch mit disem briefe, daz wir in mit der egenanten vesten warten und gehorsam sein sullen und wellen zu allen iren nôten, und in die offen haben an unsern merklichen schaden und ouch in noch irn lantleuten darauz chainen schaden tun noch des jeman ander gestatten ze tun an alles geverde. Und des ze urchund gib ich der vorgenant Andre der Grüber für mich und die vorgenanten mein erben disen brief besigelten mit meinem anhangunden insigel. Der geben ist ze Lyncz an freitag nach sand Michels tag nach Kristes gepurd dreuczehen¬ hundert jar darnach in dem neun und sechczigistem jare. Orig., Perg., im k. k. Hausarchiv. Siegel in grünem Wachs, sehr gut erhalten.
RkJQdWJsaXNoZXIy MjQ4MjI2