430 halbew, und dem egenanten chnaben Hanstein seinem sun und eriben halbew, und sullen di sel unverczogenlich dovon bedenchen. So ist auch recht und wol pilleich als getaidingt, warde, daz von derselben zwair eriben Margreten und Hanstein eribtail all irs vater dez mautter gelter und waż er hincz seiner hab zuspruch und chrieg lazzen hat von wem daz ist oder wie sich daz fügt gënczlich auzgericht und gestillt sulln werden ungolten der egenanten frown Elebeten an aller irr hab, und ob man von derselben zwair eriben varunder hab und iren nüczzen di obengenant notdurfft und geltschuld nicht völlichlich auzgerichten noch gesunen môcht, so sol und mag der egenant Jacob der Grüber und sein hausfrow von iren und irr eriben wegen und dew êgenant ver Elzbet an irs suns dez Hansleins stat der obengenanten zwair eriben aigen ains zwai oder mer nach irr nagsten vreunt rat darumb verseczzen oder verchauffen oder den geltern daran geben unverczogenlich daz ain tail den andern daran nicht irren sol, und sunderwar mag dew obengenant frow Elzbet mit irr hab und iren gesprochen aigen Jacob Gruber sein hausfrow und all ir eriben mit gesambter hant mit irem eribtail und der vorgenant chnab Hansel wand er zu seinen rechten jaren chumt und sein eriben mit irem eribtail jeder tail sein selbs willen und notdurfft handln mit verseczzen mit verchauffen mit schaffen machen und geben, wie oder wem si wellen an hinderung, daz ir ains hincz dez andern hab und eribtail nicht ze sprechen sol haben in dhainen wêg, ez war dann ob der tod icht beschied oder ains dem andern mit willen gæb oder durch recht anvereribat, daz nimt man auz von dem verczeihen. Auch mag sich diselb frow Elzbet irs suns Hœnsteins und aller seiner hab mit der vreunt wizzen underwinden in selben innhaben ziehen und mûterleich besorgen mit iren trewn alz si im dez suldig (sic) ist, und all di weil und er seiner rechten jar nicht enhat so sol si seiner hab pflegerinn und verantwurterinn sein und nicht verchumbern, ez sei dann in der notdurfft di dingt sich aus alz oben verschriben ist ungevarlich. Mit urchund des briffs den wir nach der obengenanten frawn Elabeten und irs suns Hansteins dez egenanten Gruber und seiner hausfrown vleizzigen gepêt willen daruber geben haben besigelten mit unser fümfen und Jacobs dez Grüber insiglu anhangunden uns fumfen und unsern eriben an schaden, und under diselben sechs insigel habent si sich mit iren trewn allew verpunden fúr sich und fúr all ir eriben allz daz trewlich stat ze haben ze vol¬
RkJQdWJsaXNoZXIy MjQ4MjI2