429 hundert phunt in phanczgeweis haben und geworten sol und von den ambtten der mautt und den zóllen hie ze Pazzow und von der mautt ze Obernperg, di ir und denselben criben mitsaibt der vest und phleg ze Morspach von dem gotshaus stent alz ir urchund weisent innemen und sich vor allen lauten dovon wern sol an all irrung ze dez obengenanten Jacobs dez Grüber gegenwurtichait und mit seinem oder dez wizzen den er von seinen seiner hausfrown und irr eriben wegen darzu schikchet an gevêr. Dannen umb di sibenhundertt phunt dafúr sind ir ettleichew dez mauter saligs crib und aigen hindan geben auzgeczaigt mit allen eren rechten und nuczzen versucht und unversucht fur ledigew aigen geantwurtt, daz ist von erst daz haus gelegen ze Pazzowe in der stat zenidrist in sand Margreten strazz bei der Tunawe, weilent waz dez Chunrade saligs, und zwen weingarten in Osterreich ze Neunburch chlosterhalben, ainer haizzt dew Zigelgrüb, der ander der Aichweg, und ob diselben drew stukch der aigen indert verchumbertt warn oder gûlt darauff lagen anders dann der alt gewondlich zins, daz ist gruntrecht perchrecht und voytrecht, daz sulln ir di andern eriben unverczogenlich auzrichten, und sunderwar ob auf dez Chunrade haus icht ewiges purchrechts lag daz war ain phunt oder zwai oder mer daz sullen si widerhennd ervaren und arbaiten vleizzig auzzerichten und abzechauffen; möcht dez nicht gesein, so sulln si ir darnach und ez ernstleich versucht wirtt in dem nagsten maneyd geben fur ydes phunt pazzower phening ewiges purchrechts zwainczk phunt wienner phennyng an widerrede, und dann aftendes sol dew vorgenant frow Elzbet oder wer daz haus innhat daz selb purchrecht selben raichen, dann umb den hausrat den der mautter lazzen hat drinchvas silberein und hulczein und anderlai der ist vreuntleich getailt und in drew tail geantwurtt worden, ainer der egenanten vrown Elzbeten der ander irem sun Hanstein dez sich dew selb sein muter von seinen wegen underczogen hat und den dritten tail hat gevêzzent der Grúber und sein hausfrow. Sunderlich nach dem rechten und der vreuntschaft ist getaidingt. waz der andern hab beleibet di der obengenant mautter hinder im lazzen hat und geoffent ist wi dew genannt oder wo dew gelegen mag sein inner lancz oder auzzer lancz ez sey erib aigen lchen oder varunt gut versucht und unversucht, der sol gènczlich aigenlich mit allen eren rechten und nuczzen sein und beleiben der obengenanten frown Margreten der Grüberinn dez mautter tochtter und allen iren eriben
RkJQdWJsaXNoZXIy MjQ4MjI2