428 Der prief ist geben nach Christz gepurde uber dreutzechen hundert jar darnach in dem neun und sechczigistem jar an sand Oswaltz tag. Orig., Perg.. im Stiftsarchiv zu Lambach; beide Siegel erhalten. CDXXXIV. 1369. 23. August. — Theilung der Hinterlassenschaft Jansen des Hosmunds, Bürgermeisters und Mauthners zu Passau. ICI Johanns von Scherffenberch chorherr und ze den zeiten verweser der technei ze Pazzowe ich Andre der Hawnsperger zder weil phleger ze Ebelzberch ich Fridrich Chraft richter ze Pazzowe ich Pilgraim der Hantschuster und ich Peter der Grûber burger daselbs bechennen offenleich mit dem brief umb alle die chrig misshelung und stôzz. so die ersam fraw Elzbet Jannsen dez Hosmundes witib dem Got genade der burgermayster und mautter ze Pazzowe gewesen ist, und Hansel ir sun den si bei im hat Jacob Gruber sein aidem und Margret dez Grûber hausfrowe dez mautter tochtter under ainander gehabt oder hinfur gewunnen mochten haben von 'aller der hab und gûtes wêgen daz derselbHosmund hinder im lazzen hat. und von der selben stözz wêgen si manigchvaltichlich in grozz merkchleich schêden mue und beswärung chömen möchten sein. darumb haben wir durch unserr trewn willen in allen ze frum nach ir gepet begerung und güten willen zwischen in offenbar getaidingt aynmütichait und berichtigung erfunden nach ir nagsten und besten vrewnt rat und ander bider laut weisung. duncht uns auch recht vreuntlich und pilleich sein di taiding ze volfuren und ze enden alz hernach belauttertt ist und alz si die gen einander mit iren trewn versprochen vor unser verjehen und danchperleichen aufgenomen habent. Nu ist von erst ze melden, daz dew obengenant frow Elzbet irem wirtt dem Hosmund ze heiratgut bracht hat virhundert phunt. dawider hat er ir gemacht siben hundert phunt heiratsgûts und morgengab, darzu ist im nach irs vater Mertein dez Speher tod saligs von eribtails wegen beraicz gelez gevallen virhundert phunt. di bedew heiratgüt morgengab und der eribtail macht fümfczehen hundert phunt wienner phening. darumb ist rechtleich und wol pilleichen getaidingt. daz ir diselben fümfczehen hundert phunt ledichlich gevalln sulln zu irem frum so beschaidenlich. daz si darauz acht
RkJQdWJsaXNoZXIy MjQ4MjI2