409 anhangenden insygel, und ze ainer pezzer sicherhait mit dez erberen mans anhangenden insygel Weychartz dez Pawren ze den zeiten schaffer ze Pernstain. Der prieff ist geben dez mytichens in der ersten vastwochen dez jars do man zalt von Christez gepurd drew¬ tzehen húndert jar darnach in dem newn und sechtzikysten jar. Orig. PPerg., mit zwei hängenden Siegeln von gelbem Wachs im Archive des Klosters Schlierbach. ODXIII. 1369. 25. (18.2) Februar. Dietrich der Weydner, seine llausfrau und die Brider Vydorfer verkaufen dem Rudolf von Wallsee zu Seuseneck ihren frei eigenen Hof zu Neustadt, das Purgstall Plankeneck und andere Gûter. ICH Dyctreich der Weydner und ich Margret sein hausfrawe ich Albrecht ich Hainreich paid prûder Albrechts sun dez Vydorfer und mit uns all unser vorgenanten erben verjehen, daz wier all mit einander haben ze chauffen geben dem edlen herren hern Rüdolfen von Waltse ze Seusencke sein geswistreten und allen ieren erben unsers freyen aygens den hoff daz der Neunstat und daz purchstal genant Planchenek und alle di güter di mit nam hernach geschriben stent: di hofstat dez Sncyder di hofstat an dem Ort di hofstat pei dem Prun di hofstat an dem Ernek di hofstat ze nachst pei dem hoff di hofstat am Ort pei dem Phanhoff di hofstat der Nüzzerlin dez Schuchster hofstat dez Geyerleins hofstat; darzù di zwo hofstat auf der stetten schullen sey stifften und storen und von igleich ze dienst haben für erum und für tagwerch sybenzehen phenning; sev habent auch ze stifften und ze stören di witiben an dem Ort, di dient zwelf für erum und sybenzehen für tagwerch; auch von drin fleychzpen¬ chen sechs phunt unslid dienst und auch alle voktay zu der Neunstat auf allen gütern. Daz allez hab wir in geben umb ein gelt dez uns gar von in genugt hat und dez wir gancz von in gewert sein ze rechten tegen an allen schaden also beschaidenleich, daz sey daz obgeschriben allecz inn schullen haben und niczzen mit allen den eren rechten und nuczzen und darczu gehorent, recht alz wierz in aygens gwer herpracht haben, und seczen sev dez auch an nucz und an di gewêr auz der unsern in di ieren also, daz sev furbaz allen iren frum da mit mugen schaffen wo iz in allerpest fugt verseczzen verchauffen geben swem sev wellen, und schull auch wir hinfur
RkJQdWJsaXNoZXIy MjQ4MjI2