39 aus aller unnser hab wo wir die überall ynndert haben lassen oder gewine (sic) versuecht und unversuecht nichtz ausgenomen, auf wasser und auf lannd, dahin sullen sy allzeit alle irew recht aller stat erlangt und behabt haben und wir voraus an alles geverde gantzlich verloren an alle widerrede, das wir dawider sew nichtz zu wart haben noch kainerlay gen in geniessen sullen, und ob wir stossig oder zu krieg wurden ains oder mer mit recht oder an recht, das schullen sy alltzeit und an aller stat behabt und gewune haben und wir vor¬ aus gantzleichen verloren an alle widerrede, und sullen auch des unnser lieb die edlen hochgebaren öheim ir erben und nachkôme (sic) grafen ze Schaunberg unnser fürstlich gnad und huld an alle ariglist in dhain weys nicht verliesen. Wer den brief mit irem willen inhat zaigt oder fürbringt, der hat alle die recht die in daron geschriben sind. Mit urkund des briefs den wir in darüber geben ver¬ sigelten mit unnserm grossen fürstlichen anhangunden insigel, der geben ist zu Wienn an sannd Alexen tag da man zalt von Crist gebürd drewczchenhundert jar und in dem ainn und sechtzikisten jar. Aus dem Vidimus des Abbtes Caspar zu Engelhartszell vom 18. December 1498, auf Pergament. XXXVIII. 1361. 29. Juli. Wien. — Die Brüder Hans, Stephan und Heinrich von Zelking vermachen sich gegenseitig die von ihren Eltern herrührenden Güter für den Fall, dass einer von ihnen, ohne Kinder zu hinterlassen, sterben sollte. Ich Hanns ich Stephan und ich Hainreich di prüder von Zelkkingen hern Albers säligen sun von Zelkkingen wir vergehen, daz wir recht und redleichen durch rechter lieb und vrewntschaft willen an einander gemacht und gegeben haben, dez ersten di vest Zelkkingen di mein vorgenanten Hlannsen halbew ist und halbew ist si mein vorgenanten Stephans und Hainreichs von Zelkkingen, und mit unsers lehen hern hant dez edlen herren graf Ulreichs von Schownberch die halben vest ze Dürnchrut die auch mein Stephans und mein Hainreichs von Zelkkingen ist, und alle die gûter die uns anerstorben sint von vater und von mûter und alles daz daz zi den vorgenanten gütern allen gehöret, es sey aigen lehen pürchrecht perchrecht wie so daz genant ist mit allen den nûczen und rechten als uns die vorgenanten gûter alle anerstorben sint und als wir si
RkJQdWJsaXNoZXIy MjQ4MjI2