407 hofsteten und drey emmer weins geltes perchrechts ouf drin jeuchen weingarten daselbens und viertzehen phenning geltes ouf einem jeuch weingarten an dem Püechdech und zehen phenning geltes ouf einem akcher daselbens und dreizzig jeuch holtzes gelegen in Watenstain an dem Haspan das alles rechts aigen ist. Dartzû haben wir ver¬ choufft unsern halben zehent auf zwain und zwaintzig jeucharten akchers gelegen an dem Haymperg ze Aëntzing und chlainen zehent halben aûf newn hofsteten daselbens. Die vorgenanten unser vest ze Wyrmla und die egenanten unser zwen hóf ze Pôting und ze Aëntzing mitsampt allen den gütern die vor an dem brief verschriben und benant sint und alles das das zu derselben vest und zu den zwain hôfen gehôret und alles das das wir daselbens ze Wyrmla ze Póting und ze Aëntzing gehabt haben, holtz wismat êkcher weingarten paumgarten perchrecht phenning gült behaust und überlent aygen lehen pürchrecht ze veldd und ze dorffe es sei gestifft oder ungestifft versucht oder unversucht wie das alles genant und wa es gelegen ist, haben wir recht und redleich verchoufft und geben mit allen den nützen ern und rechten als es weiln Wernher der Schenkch mein obgenanten Johannen vater sêlig inne gehabt und hinder im lazzen hat und als wir das lehen in lehens gewer das pürchrecht in pürch¬ rechts gewer und das aygen in aygens gewer herpracht haben, gantz und gar an alle auszug umb sechs hundert phunt wienner phenning der wir gantz und gar gewert sein den erbern chnechtten Danyeln Antonyen und Abeln geprûdern von Grabarn und allen irn erben fürbas ledichleich und vreileich ze haben und allen iren frumen damit ze schaffen verchouffen versetzen und geben wem si wellen an allen irresal. Und sein ouch wir und alle unser erben unverschaiden¬ leich der vorgeschriben veste höfe gült und güter aller ir recht gewern und scherm fur alle ansprach des lehens als lehens recht ist, des purchrechts als purchrechts recht ist, des aygens als aygens recht ist und des landes recht ze Osterreich, wêr aber daz in fürbas mit recht an den vorgenanten gütern icht abgieng oder daz si icht chrieges oder ansprach daran gewunnen, was si des schaden nement das sullen wir in alles ausrichten und widerchern an allen iren schaden. Und daz der chauf fûrbas also stæt und untzerbrochen beleibe darûber so geben wir ich Chunrat von Liechtenekke und ich Johanna sein hausvrown fur uns und fûr alle unser erhen den obgenanten pradern Danyeln Antonyen und Abeln von Grabarn
RkJQdWJsaXNoZXIy MjQ4MjI2