404 selmezze, ain phunt zü opherphenningen daz man halbs geben schol acht pristern di an dem jortag mezz sprechen und halbs zû dem alter, an zwen fumfczig phenning drin pristern und dem schülmaister und acht phenning dem mesner vonn der vigili und vonn der selmezz. Also schol ich und mein nöchchômen daz liecht und den jortag ewich¬ leich verwesen und pegen, als vor geschriben stet. Mit urchund des briefs versigelt mit meinem anhangunden insigel und mit dez erwier¬ digen gestlichen herren insigel abt Scyfrid zü den zeiten abt zü Altenwürch der der egenanten meiner chirichen ze Aspern lehen¬ herr ist ; und des ist auch zeug der erwer herr zù den zeiten Hain¬ reich pharrer ze Stranstorf' auch mit seinem insigel. Der brief ist geben nach Christi gepürd dreuczehen hundert jar darnach in dem neun und sechczigisten jar an dem prehen tag. Orig., Perg., im Schlossarchiv zu Eferding; die Siegel verloren. CDIX. 1369. 22. Jäner. — Stephan der Aychberger verkauft an Otto den Obern¬ haimer Kellner des Klosters Lambach den halben Lindenhof zu Obernschwaig in der Pfarre Neukirchen. Ich Stephan der Aychperger und mein hausfraw Anna und all unser erben wir verjehen, daz wir recht und redleich zu chauffen haben geben unsern halben hof der genant ist der Linden hof und der gelegen ist zu Obernswaig in Newnchircher pharr und unser rechtz erib ist gewesen von dem erbierdigen gotzhaws zu Lambach, und da wir all jar jærleich von geraicht haben dem erbirdigen gotz¬ haws zú Lambach fünfzehen phenning an sand Michels tag und nicht mer, denr erbern geistleichen hern hern Otten dem Obernhaimer zu den zeiten chelner zû Lambach mit allen ern rechten und nutzen di darzů gehôrnt zů holtz zů veld versůcht und unversůchť auz unser nútz und gwer in sein nutz und gwer umb ain gelt, dez wir von iem gantz und gar gericht und gewert sein zu den rechten tægen. Daz in di red stet und unverchert weleib geben wir in den prief versigelt. mit meins egenanten Stephans dez Ajjchperger anhangunden insigel, und zû einer pezzern sicherhait versigelt mit der erbern læut Ulreichs dez Aytterwekchen pürger zu Welz anhangunden insigel und Reichers dez Mulbanger anhangunden insigel. Der prief ist geben
RkJQdWJsaXNoZXIy MjQ4MjI2