401 CDVI. 1368. 21. December. — Erasmus Schreiber, Bürger zu Steyr stiftet zum Gottes¬ hause Gleink sein Haus zu Steyr, den llof am Preuneinsperg in der Pfarre Neukirchen und die Darnmühle in der Pfarre Kemnaten zu einem Seelgeräthe. ICI Erasm der Schreiber purger ze Steyr und mein haws¬ vrowe frow Chnigund und all unser erben wier vergehen, daz wier dem gotshaws ze Glünich gegeben haben und geben auch unser haws ze Stcyr in der stat davan man jerleich geit dem herczogen in sein schaczstewer drey schilling pfenning wienner muzz, und daz gelegen ist zwischen Perchtolez dez Ponhalm haws und Ulreichs des Chochs haws. auch geben wier in unsern hof genant an dem Preunneinsperg in Neunchircher pfarr gelegen und unser mül genant di Darnmül in Chempnater pfarr gelegen mit allen den rechten und nuczen so wier sew genozzen haben, auz unser nucz und gewer in diw irn also beschaidenlichen, daz siw mein des vargenanten Erasm und meiner hawsvrowen Chünigunden unser leibgeding sullen sein unczt an unsern tôd van dem vargenanten gotshays ze Glunich, und sullen wir jerleich an sand Andres tag in die gustray da selbz van den zwayn guetern raichen sechs pfenning ze einem cins unverczogenlich. Dann nach unserm tod sullen sich die herrn der gueter undercziehen in di gustray und sullen das selgerêt davon begen alz fürbaz erchant wiert. Auch sol sich der apt nach unserm tód dem gotshaws des haws underziehen und allen seinen frum damit schaffen mit verchawffen mit verseczen wie er wil also beschaiden¬ lich, ob mein wiert der vargenant Erasm di obgenanten guet und daz haws versparen well und mag verziehen (sic). mit urchund dez priefs versigeltz mit der erbern leutt Heinreichs des Chündler ze den selben zeiten statrichter ze Steir und Janseins des Ttun¬ gassinger payder anhangunder insigeln under der insigeln wir uns verpinden ich vargenanter Erasm und mein hausvrow Chunigund allez daz stêt ze behalten daz an dem prief geschriben stet. Der prief gegeben ist do man zalt nach Christes gepurd dreuczehen hundert jar darnach in dem acht und sechczigisten jar an sand Thomas tag des heiligen zwelspoten. Aus dem Originale zu Gleink, Pergament mit zwei hängenden Siegeln von gelbem Wachse. Urkundenbuch des Landes ob der Enns VIII. Bd. 26
RkJQdWJsaXNoZXIy MjQ4MjI2