400 chiricher pharr. Daz in di varverschriben red stæt und unverchert beleib darüber ze einem warn ürchund geben wier in den prief versi¬ gelten mit mein egenantz Jansen der Schikchen anhangunden insigel, alz daz stœt ze haben mitsampt mein erben daz var verschriben ist, und versigelt mit meins egenanten prüder Eberhartz dez Schikchen anhangunden insigel, der daz an hat gelait zu ciner czeugnûzz der sach mit dez willen und gunst der chauff und di handlung geschehen ist, und zu einer pessern sicherhait versigelt mit Ulreichs dez Aytterbechen purger ze Wels anhangunden insigel. Der prief ist geben nach Christi gepürd über drewczehen hundert jar darnach in dem acht und sechczkisten jar dez mæntags nach sand Kathrein tag. Orig., Perg., dessen Siegel verloren, im Archiv des Klosters Schlierbach. CDV. 1368. 29. November. Ens. — Herzog Albrecht erlaubt den Bürgern von Ens wälsche Weine einzuführen. Wir Albrecht von Gotes gnaden herczog ze Osterreich ze Steyr ze Kernden und ze Krain graf ze Tyrol etc. tûn chunt, daz wir unsern getrewn den purgern ze Ens die gnad getan haben und tun ouch, daz si durch die egenanten unsere land und uber die Zejrich gefüren mugen welhischen wein von dem tag alz der brief geben ist uncz an unser widerruffen, doch also daz uns von denselben weynen unser mautt gevalle als sitlich und gewonleich ist an unsern mauttstetten, und daz ouch dieselben purger von Ens die rechten und gewonlichen strazze damit varen daz uns unser mautt davon nicht verfurt werde. Darumb gebieten wir unsern getrewn lieben, den diser brief geczaigt wirt und wellen ernstlich, daz si die vorgenanten unsere purger von Ens dy egenanten welischen wein also furen lazzen durch die obgenanten unsere land und uber die Zeyrikch und in an der vorgenanten unsrer gnad chain ierrung noch beswerung tun in dhain weise, alle die weil wir die nicht widerrufft haben. Mit urchund dicz briefs. Geben ze Ens au sand Andres abent des zwelifbotten anno domini millesimo trecentesimo sexagesimo octavo. Orig., Perg., im Stadtarchiv zu Ens, das Siegel rückwärts aufgedrückt. Abgedruckt bei Kurz, Handel 482.
RkJQdWJsaXNoZXIy MjQ4MjI2