390 durch ir selhail willen, und hat die selben wizz dargegeben mit der beschaidenhait, daz man ir allew jar järlich an sant Bartholomeus abent begen sol ir jartag mit ainer selmess, und dez selben tags sol man ze capitell setzzen ainer jeglichen vrowen ain vigilij ze sprechen. Ez sol auch die selben wizz ain pytancerin innhaben mit stifften und mit stóren und chain abbatissin hat mit der selben wizz nicht ze schaffen wan dew selb pytantzerin sol allew jar järlich dem convent mit dem dienst der von der vorbenanten wizz gevelt warten und sol den selben vrowen ze Styerwach an den tägen die hernach geschriben an dem brief werden visch darumb chawffen und geben sol, (sic am prehentach am liechtmezztag an unser vrowen tag in der vasten am antlazztag am östertag am aufferttag am phingstag an gotz¬ leichnamstag an den zehen tawsent marterer tag Achacij und seiner gesellschaft am sunwentag an sant Peters tag an sant Marien Magda¬ lenen tag an unser vrowen tag als sey verschaiden ist an unser vrowen tag als sey geporen ist worden an sant Bartholomeus abent an sant Mychels tag an der ainliftawsent mait tag an aller heiligen tag an aller selen tag an unser vrawen tag als sey emphangen ist worden in ir mûter leichnam, an den zwaintzzich tægen die verschriben sint an aim jeglichen tag sol man den vrowen geben fisch umb fünf¬ tzehen phening. waer aver daz dew selb wizz die selben zehen schillinch phening nicht getragen mocht, welhes jars daz waer als vil dan an dem dienst abgieng als vil sol den vrowen an eim jeglichen tag an phening und auch an fyschen abgien. Ez hat auch swester Katherina geschafft zu dem covent unsers gotzhaws ein hoffstat gelegen ze Hofforn dew auch lehen gewesen ist von unserm genedigen herrn und stiffter unsers gotzhaws von herrn Ewerharten von Waltse, und dew selb hoffstat gilt allew jar jarlich zweliff phening und umb die selben zweliff phening sol man den vrowen weizz prot umb chawffen und geben allew jar järlich am weichennachttag, und die selben hoffstat sol auch dew pytantzerin in haben. Daruber zu ainem waren sichtigen urchund der worhait geben wir vorbenantew Katharina dew abbatissin dem covent ze Styerwach den offen briet versygelten mit unserm anhangenden insygel, und zu ainer pezzer bestactigung der sach und der tayding mit unsers lieben gnedigen herrn und stiffters unsers gotzhaws herrn Ewerhartz von Waltse anhangendem insygel versygelten, wan daz geschehen (ist) mit seim gütlichen willen und wort. Der brief ist geben dez nechsten freytags
RkJQdWJsaXNoZXIy MjQ4MjI2