386 verjehen, daz wir mit wol verdachtem mût nach unsrer pesten freund rat und auch mit aller unser erben gutlichem willen nach rat der erbern purgern dez ratz und der gesworn ezder Vreinstat und auch mit dez erberigen herren mayster Chunratz von Scherdingen czder zeit Chirichrer ezder Vreinstat gutlichem willen ain ewig mess gestifft haben auf sand Margreten altar in sand Kathrin chirichen. Und darczu haben wir erwelt und bestett czu ain rechten capplon den erbern priester hern Ulrichen den Slinger also, daz er und sein nachchomen di vorgenanten mess täglichen sprechen schullen under der fruemess datz sand Kathrein. Am montag sol er sprechen ain selmess von den toten unsern seln und unsern vor¬ fordern seln cze hilff und ze trost, und am critag sol er sprechen ain mess von sand Kathrein unsern seln und unsern vorfordern seln ze hilff und ze trost, und am mittichen sol er sprechen ain mess von unser vrawn schiedung unsern seln und unsern vorfordern seln und allen gelaubigen seln ze hilff und ze trost, und di andern tag mag er sprechen welich ampt er wil nach sein trewn und er unz verhaizzen hat, und darumb haben wir dem vorgenanten hern Utrich unserm capplon und allen den di nach im chunftig capplon werdent dezselben altars und mess gegeben aller jerlichen fumfczehen pfunt alter wienner pfenning ewiges geltz auf den gutern di mit namen hernach geschriben stent. zu dem ersten daz gut datz Sommeraw in Rainpeckcher pfarr gelegen, daselben auf den besundern lussen di wir chaufft haben von dez erbern mans Utzzen dez Schaffer chindern umb zwaintzig pfunt und umb hundert pfunt pfenning wienner munczz nach unsers brifs sag den wir von in daruber haben, und sint vreys aygen und da man aller jerlichen von dient vier pfunt und sechtzik pfeńning dez sommtagz (sic) ze mitter vasten, und den zehent di zwaytail chlain und gross auf den vorgenanten lussen daselben, und dient auch aller jerlichen von den selben lussen an sand Michelstag ain halbes pfunt und sechs huener. Und darzu haben wir im geben ain hueb datz Eberstain da czder zeit Chunrat auf gesessen ist, und ist gelegen in Neumarchter pfarr und ist vreys aygen und dient aller jerichlichen an sand Michelstag drew pfunt pfenning und sechtzik pfenning. Darzu haben wir im geben ain hueb genant datz dem Teurer ist gelegen in Lozsperger pfarr und dient aller jer¬ lichen an sand Michelstag ayliff schilling wienner pfenning. Darzu haben wir im geben vier zehenthaus, der drew gelegen sint datz
RkJQdWJsaXNoZXIy MjQ4MjI2