382 COCLXXXVI. i. 1368. 20. Mai. — Jacob von Weinzierl und seine Hausfrau Anna Chuurat des Gutgesellen Tochter, verkaufen an das Kloster Schlierbach den Hof im Reut in der Pfarre Kirchdorf. 1OH Jacob von Weinzrll, mein hausfraw Anna Chunratz dez Gülgesellen tochter dem Got genad, und mitsampt uns all unser eriben die wir haben oder noch gewinnen schullen wir tun kunt und vergehen, daz wir haben ze chawffen geben recht und redlich der ersamen wolbeschaiden gaystlichen vrowen vrowen Kathrein der Anhangerin chloster vrowen ze Styrwach dez Ordens Cystercensis unsern hoff gehaizzen im Ráwt, da Dietel ze den zeiten aufgesezzen ist und ist gelegen in Chirichdorffer pharr, und haben ir denselben hoff geben umb ain gelt dez sew uns gentzlich und gar gericht und gewert hat, und der selb hoff ist unser rechtz lehen gewesen von unserm genedigen herren herrn Ewerharten von Waltse und haben ir den selben hoff geben mit allen den eren rechten und nützzen und darzu gehört, und antwurten ir den selben hoff auz unser nütz und gewer in ier nutzz und in ier gewer und in dez coventz (sic) ze Styerwach nûtz und gewer in allen dem recht als wir in inngehabpt haben, wan dew vorverschriben vrow Kathrey dew Anhangerin chlostervrow ze Styrwach hät geschafft den selben hoff im Rait nach irem tôd zu dem covent ze Styrwach. Wir haben uns auch dez selben hoſs fúrzich (sic) getan also, daz wir noch all unser eriben furbaz nach dem vorverschriben hof niemer mer chain ansprach schullen haben weder mit recht noch an recht. wir sein auch dez vorverschriben hoffs der vorverschriben vrawen Kathrein und dez coventz ze Styrwach ier furstant und ier rechter gewer swo in dez not geschicht, als chawfs recht ist in dem lant ob der Ens. wær daz in von uns an der gewerschaft icht abgieng da si schaden von nemen swie der schad genant wer, den selben schaden schullen wir in ablegen und widercheren mitsampt dem hawpgut gantz und gar. Daz in die red furbaz also staet und unverchert beleib daruber ze ainem sichtigen woren urchund der worhait gib ich vorbenanter Jacob von Weinzurll in den offen prief mit meim anhangenden insygel versygelten, darunder ich mich verpint mit mein trewen ich vorbenantew vrow Anna sein hausfraw und all mein erben, allez daz
RkJQdWJsaXNoZXIy MjQ4MjI2