379 auzrichten so verre die gelangen mugen nach ordenung unsers egenanten brûders seligen ane alle geverde. Ouch verhaizzen und loben wir mit disem briefe bey unsern fürstlichen eren und wirdichait fur uns und alle unser erben, daz wir die vorgenante gab und ver¬ maynung ewiklich stêt haben sullen und wellen und die nymer widerrüffen oder dawider tün mit worten noch mit werchen in dhainen weg, sunder daz wir die vorgenante mautt mit aller zugehörung die wir von dem reiche ze lehen haben den obgenanten korherren und der stift vertigen und bestetten sullen und wellen mit dem aller¬ durchleüchtigisten fürsten unserm lieben genêdigen herren und vatter hern Karlen rómischen keyser ze allen zeitten merêr des reiches und kóniges ze Behem, und daz wir si und die stift auf der obge¬ nanten mautte auf allen den nûczen und rechten die darczu gehôrent endlich schirmen sullen und wellen und in daran alles gewaltes und nnrechtes vor sein mit gûten trewn wenne und wie ofte in des not geschicht an allez gever. Und gepietten darczû ernstlich bey unsern hulden unserm lantmarschalich in Osterreich unserm houbtmanne ob der Ens und allen andern unsern amptleûten und undertanen wie die genant sind gegenwurtigen und chunftigen, daz si die obgenanten korherren ouch darauffe schirmen und hanthaben vestiklich von unsern wegen wenne si darumbe von in oder von iren amptleûten oder gewissen botten gevordert werdent ane widerred und geverde. Und daruber zu einer ewigen zeugnusse und ganczer sicherheit hiezzen wir unser grozze fürstliche insigel henken an disen brief. Der geben ist ze Wienn an samztag vor sand Philipps und sand Jacobes tag der heiligen zwelfbotten nach Kristes gepurde dreuczehenhundert jar darnach in acht und sechczigistem jare. Dominus Cancellarius comes Ulricus Schownberg Fride¬ ricus de Walsse marschal¬ cus provincialis Albrecht de Pucheim Heidenricus de Meissow Johannes de Liechtenstein de Nikolspurg et plures alij de consilio. Orig.. Perg.. im k. k. Hausarchiv mit den zwei angehängten sehr schönen Reitersiegeln Herzog Albrechts und Leupolts: letzteres etwas gebrochen. Abgedruckt bei Pez. Codex diplom. epist. Bd. III. pag. 39.
RkJQdWJsaXNoZXIy MjQ4MjI2