378 COCLXXXIV. 1368. 29. April. Wien. — Die Herzoge Albrecht und Leupolt verleihen der von ihrem Bruder Rudolf sel. begonnenen Stiftung der Propstei an der Stephanskirche in Wien die vom Reiche zu Lehen rûhrende Mauth zu Mauthausen auf ewige Zeiten. Wir Albrecht und Leupolt gebrüder von Gotes gnaden herczogen ze Osterreich ze Steyr ze Kernden und ze Krain herren auf der windischen marich ze Phirt und ze Kyburg marggrafen ze Burgor und lantgrafen in Elsazze bechennen tün chunt und verjchen offenlich mit disem briefe allen den, die in sehent lesent oder hôrent lesen die nu sind oder hernach in kunftigen zeitten werdent, seind der hochgeborn sêliger gedêchtnûsse herczog Rûdol von Osterreich weilent unser lieber brûder Got ze lobe und in ere der loblichen magt sand Mareyen seiner mûter und aller heiligen durch merunge gotes dienstes und durch aller unsrer vorvordern seiner und unsrer selen hailes und trostes willen ain probstey und einen tum vier und zwainczig korherren aufgerichtet und geordenet hat in unserer kirchen sand Stephan ze Wienn, und aber von diser welde gescheiden ist ee er der korherren phründ bewidemt gestiftet und auzgerichtet habe, darumbe daz soliche grozze gûttat und erber begirde und maynunge unsers egenanten bruders volbracht werde und nicht nider gelige, haben wir mit wolbedachtem mûte und rechter wizzende ze den zeitten do wir das wolgetún mochten nach rate unserer lantherren und unsers rates und mit aller der schonheit worten und werchen die darczû gehörent notdurftig und gewonlich sind dem capitel der vorgenanten korherren geben gefüget und verainet und redlich geben, fûgen und verainen ouch mit kraft dicz briefs einer ewigen stêten und unwiderrüfflichen gabe und ver¬ maynunge unser mautt ze Mautthausen mit dem mautthause daselbs und mit allen nûczen rechten freiheitten wirden eren und loblichen gewonhaitten die darczu gchôrent und als unser vorvordern und wir die herbracht und gehabt haben an allez geverde. Wir geben ouch den egenanten korherren vollen gewalt und gancze macht, die vor¬ genante mautte mit aller zugehorunge ze besiczen innzchaben ze beseczen und entseczen alle nucze inzenemen und damitte iren frumen ze schaffen als si getrowen in das nuez und gut sein, und sunderlich daz si die under einander tailen und ir phrunde davon
RkJQdWJsaXNoZXIy MjQ4MjI2