auf der Windischen Marich und ze Portenai grafen ze Habspurg ze Tirol ze Phirt und ze Kyburg marichgrafen ze Burgoi und lantgrafen in Elsazze verjehen bechennen und tin chunt offenlich mit disem briefe, daz wier durch bette willen des hochwirdigen fürsten unsers lieben öhems hern Ludweiges byschofes ze Babenberg und durch wol verdiente gunst und gnade des erbern weisen unsers besunder lieben Dyetzen marschalichs der stift und des gotzhauses ze Babenberg zu wirden zu nucz und zu gemache dem erbern unserm getrewn andechtigen Gundelochen Marschalich des egenanten Dieczen brûder der jeczunt pharrer und spitaler ist des goczhauses und spitals an dem Pyern in Pazzower bystüm bestettet haben wizzentlich und bestetten ouch mit disem briefe recht und redlich dem jeczgenanten Gündelochen zu dem egenanten seinem goczhause und spital an dem Pyern alle die freyhait recht genad und gûte gewonheit die dasselb goczhaus und spital alle pharrer und spitaler daselbs von alter gehebt und herbracht habent von unsern vorvordern in aller der mazze, als daruber lauttent und weisent derselben unserer vorvordern hantfesten und briefe die nu zeleczt der hochgeborn fürst seliger gedechtnusse herczog Rüdolfen von Osterreich dem Got genade mit seinem briefe versigelt under seinem grozzen fürstlichen anhangenden insigel yetweder seit gepildet ernewt und bestettet hat. wan wir gütlich und gerne gegunnet haben und gunnen dem egenanten spital und spitaler aller der freyhait und rechten gnaden und güten gewonheitten die an demselben briefe begriffen sind an alles gever. Mit urchund dicz briefs versigelten mit unsern grozzen fürstlichen anhangenden insigeln. Geben ze Wienn an sand Agnesen tag nach Kristes gepurd dreuczehenhundert jar darnach in dem acht und sechczigisten jar. D. d. in consilio magister curie Wolfyangus et Wehinger magister camere. Original im geheimen Hausarchiv.
RkJQdWJsaXNoZXIy MjQ4MjI2