352 bischof Albrecht ze Pazzow fur sich und sein capitel daselbs an aim tailund di erber und waisen leute unser besonder lieben die burger gemainlich ze Pazzow an dem andern tail sprechen wir nach rat unsers rates, des ersten daz si auf baiden tailen fur sich selber und die iren oder wer zu in mit helffe mit dienste oder in dhainen andern weg gehoret, gute freunde mit einander sein und einander zucht und ere bietten und freuntlich mit einander leben sullen, und sullen yetweder seit zerugge werfen und ablazzen alle die hezze unwillen veintschaft und frömdunge die si wider einander gehabt habent in dhainen weg untz of diesen heutigen tag der si hazzlich und veintlich gegen einander nymmermer gedenken sullen, sunder vedweder tail sol nu furbazzer gen dem andern sein in den gehaden und der gunst in der freuntschaft und dem gutten willen als si vor allen iren auflöuffen und chriegen gegen einander waren an alles gever. Swas si auch auf baiden tailen gevangen habent der yetweder tail besunder gewaltig ist, den sullen si yetweder seit tag geben uncz auf den nechsten sand Jörigen-tag und sullen dieselben gevangen dazwischen ledig werden als wir uns erchennen an alles gever. Auch sullen die obgenanten burger widergeben genczlich und ungevarlich dem egenanten bischof Albrechten und seinen korherren alle ir hantvesten und urkunden briefe und insigel die si in den auflöuffen und chriegen ze Pazzow auz des gotzhauses gewalt und geslozzen genomen habent. Si sullen ouch demselben bischof Abrechten irem herren widergeben die veste genant das Niderhaus ze Pazzow und alle seine gericht sein mautt sein zôlle sein münzze sein zinse sein zchenden und ander sein nutze in der stat ze Pazzow und sullen in der gewaltig machen in aller der mazze als er si vor iren kriegen und auflöuffen hat inne gehabt an alléz gever. Dasselb sullen si ouch ze geleicher weis tun den korherren von Paxzoi, also daz si den ouch widergeben ire heuser und höf garten und poumgarten die si ingenomen habent, und sullen jnen ouch furbazzer richtiklich volgen lazzen ir zinse und alle ir nucze und gult die si habent in der stat ze Pazzow und dabei auch in aller der mazze als si die vor den kriegen gehebt und genozzen habent an alles gever, uzgenomen alain der garten oder poumgarten darinne die egenanten burger begraben und gelegt' habent etlich lûte die in den kriegen und auflöuffen tod sind, darumb wir uns auch behaben fürbazzer ze sprechen so des zeit wirt nach gelegenhait der sache an gever. Dagegen sprechen
RkJQdWJsaXNoZXIy MjQ4MjI2