33 Osterreich an sein selbs und an aller seiner prûder stat die vorge¬ nennet sind gegeben ein solich erber namlich und grozz gût an beraitem gelt das uns und allen unsern nachkomen und erben trôst¬ lich hilflich und fürderlich iemer sein mûzze. Hiebey warn die diser sache sind getzeuge, die erwirdigen herren her Paul byschof ze Freysing her Peter byschof ze Chur und her Johans byschof ze Gurk des obgenanten unsers herren hertzog Rudolfs von Osterreich kantzler, darnach die edeln und erbern graf Tycbolt von Neien¬ burg her ze der Il und ze Blamont graf Purchart und graf Perchtolt von Maidburch vettern graf Ulreich von Cjli Stephan von Meissow obrister marschalch Alber von Püchhaim obrister drugsëcz Haëdenreich von Meissow obrister schenk Peter von Eberstorf ébrister kanrer Wilhalm von Chreuspach obrister jégermaister in Osterreich Eberhart von Walsse von Lyncz ze den zeiten houptman ob der Ens Leutolt von Stadek ze den zeiten lantmarschalh in Osterreich Eberhart von Chapell ze den zeiten hauptman ze Ens Jans von Trawn ze den zeiten houptman ze der Freynstat Hainreich von Walsse von Drosendorff Eberhart von Walsse von Grècz Friderich von Walsse von Ens Eberhart von Duchsperg Utreich und Seyfrid von Chranichperg Hainreich von Ratpach hofmaister Hainreich von Prunne hofschenkch Hans der Lozzperger hofmarschalh Wilhalm der schenkch von Liebenberg speizmaister des vorgenanten unsers herren herczog Rudolfs von Osterreich und ander erber leut genug. Und daruber ze ainem waren vesten offenn und ewigen urchunt geben wir die vorgenanten Wern¬ hart Ulreich und Hainreich grafen von Schowenberg für uns und alle unser nachkomen und erben die wir darczü binden wizzentlich den obgenanten unsern herren den herczogen von Osterreich und allen iren nachkomen und erben eweklich disen brief versigelt mit unsern anhangunden insigeln. Dis ist beschehen und ist der briet gegeben ze Weytra an dem nêchsten mitichen nach sand Veits tag des jares do man zalt von Christs gepürd tausend drewhundert sechczig jar darnach in dem ersten jar. Orig., Perg., mit drei angehängten rothen Wachssiegeln im k. k. Hausarchive. — Abgedruckt bei Kurz, Oesterreich unter Herzog Rudolf. IV., pag. 354. Urkundenbuch des Landes ob der Enns VIII. Bd.
RkJQdWJsaXNoZXIy MjQ4MjI2