32 furbazzer gewinnen under der Ens und ob der Ens in Osterreich und in Payrn oder anderswa wie di genant oder wa si gelegen sind vor allem gewalt und unrecht an allez geverd. Und dawider haben wir die obgenanten grafen von Schowenberg mit rechter wizzen ouch gelobt und verpunden vesteklich mit unsern triwen an aydes stat und verpinden uns ouch recht und redlich fûr uns und alle unser nachkomen und erben eweklich mit kraft dicz gegenwürtigen briefs, daz wir und alle dieselben unser nachkomen und erben mit allen unsern herschêften und vesten pürgen und stetten leuten und dienern die wir nu haben oder hienach gewinnen in Osterreich und in Payrn oder anderswa wo die gelegen oder wie die genant sind oder werdent, dienen beigestendig und behulffen sein sullen und wellen mit aller unser macht eweklich den vorgenanten unsern herren den herczogen von Osterreich und allen irn nachkomen und erben herczogen ze Osterreich wider aller menklich nieman auzgenomen getriwlich und furderlich, und auch behalten ire lantrecht und alle ir freyhait und gùt gewonhait in aller der mazz als die von alter herkomen sein an allez geverd. Wenn aber die vorgenanten unser herren von Oster¬ reich oder ir nachkomen und erben bedurffen unser oder unserer erben uud nachkomen dienstes auzzerhalb irm laude ze Osterreich, so sullen si uns nach gelegenhait der sache und des dienstes daruml geben und tun als vil, als nach unsrer vorderung und antwurtt bai¬ denthalb darumb sprechent und erchennent ungeverlich bei irn triwen vier erber man der egenanten unserer herren von Osterreich geschworn rates der si zwen und ouch wir die egenanten von Scho wenberg zwen darczù nemen und seczen sullen. Wêr aber daz geleich zwen gegen zwain gestiezzen und mizzhell würden, so sullen dieselben vier ainen obman zu in nemen auch auz der obgenanten unsrer herren von Osterreich geswornen rate der si uns baidenthalb aller gemainest dunke an géverd, und swaz dann die fumf gemainlich oder der merer tail under in darumb sprechent und erkennent bey irn triwen, daran sol uns baidenthalb wol genügen, und sullen ouch das jetwedrer seit volfûren und stêt haben an alles gevêrd. Umb dise vorgeschriben taiding daz ist ze merken sunderlich umb die manschaft der herschaft und vesti ze Ort und umb die puntauzz und dienst der wir in dem namen als da vor eweklich phlichtig und gepunden sein der egenanten unsrer herschaft von Osterreich hat uns der durchlèutig fûrst unser gnèdiger herre herczog Rûdolff von
RkJQdWJsaXNoZXIy MjQ4MjI2