336 CCCLXIII. nai wi kin er. 1367. 29. August. Wien. — Herzog Abrecht III. gebietet den Bürgern zu Freistadt, den vom Kaiser Karl IV. angesuchten Waffenstillstand zu halten. Wir Abrecht von Gols genaden hertzog ze Osterreich ze Steyr ze Kérnden und ze Chrain graf ze Tyrol etc. embieten unsern getrewen ., dem richter dem rate und den purgern gemainlich ze der Freynstat unser genad und alles gût. Als unser liber genêdiger herre der keyser und wir baidenthalben versprochen hetten, ettlicher unsrer herren und ratgeber ze senden an die gemerk auf den mit tichen nach unsrer frawen tage zu der schiedung der nêchst hin ist, dahin die unsern chomen sint auf denselben tag aber da engegen von dez keysers wegen nieman kome, sullet ir wizzen daz sich des der egenant keyser gen uns nu mit seinem brief gar vast entschuldigt und beredt hat, daz in daran grozz unmuzze hab geirret, und hat uns vleizzichlich gepeten daz wir mit den unsern schaffen, daz si mit den seinen fride haben ane allez geverde untz auf den nêchsten künftigen sant Gallen tag, dasselb hab er mit den seinen ouch geschafft. Davon gepieten wir ew gar ernstlichen und wellen, seynd uns der egenant unser herre der keyser also umb den egenanten fride gepeten hat, daz ir den ouch haltet und in der zeit gen Behem chainen angrit noch newung tût in chainen wege untz an uns, wan wir jetzunt unser potschaſt getan haben hin in gen Prag an dez keysers houbtman und verweser von desselben frides wegen, daz sich dieselben unser poten an in ervaren, ob dem egenanten fride also sei oder nicht. Und wie si sich darumb ervarent und des ein kuntschaft an uns bringent, das wellen wir ew ze hant lazzen wizzen, daz ir ew desterpas darnach gerichten muget. Geben ze Wienne an suntag nach sant Augustins tage Lxvij". (Millesimo trecentesimo sexagesimo septimo). Dominus dux magister curie de Ryed Wéhinger magister camere. Von Aussen: Unsern getrewen dem richter dem rate und den purgern gemainlich ze der Freynstat. Orig., Papier, mit rückwärts aufgedrücktem Siegel, im Stadtarchiv zu Freistadt.
RkJQdWJsaXNoZXIy MjQ4MjI2