328 uns oder von unserr erben wegen. den sullen wir in ausrichten. Tetten wir dez nicht. swaz sew dann dez schaden nement, den selben schaden sullen sew haben auf uns und auf aller unser hab, di wir haben. Daz geluben wir alles stat ze halten und volfuren mit unsern trewen. Und dez zu einem sichtigen waren urchund gib ich obge¬ nanter Jans logant und mein hausfraw Ann und ich Jans ir pruder den offen brief versigelten mit der erbern leut zder zeit dez rates ze Ens Petreins dez alten Herisinger und Hainreichs dez Voln und Ulrcichs dez Fumfchiricher aller dreyer anhangunden insigel. di wir fleizzichleich darumb gepeten haben, daz si mit iren insigil damit gczeng sint in an schaden, wand wir aigens insigils nicht haben. Geben do man zalt von Christi geburd dreutzehenhundert jar und in dem siben und sechtziksten jar an sant Peters tag nach sunnbenten. Orig., Perg., im Schlossarchiv zu Eferding, die Siegel alle verloren. COCXXXVI. 1367. 29. Juni. Linz. — levers Walchuns des Köstel, Bürgers von Linx, welchem Erzbischof Pilgrim von Salzburg seinen Hof in Linz verliehen hat. Ich Walchin der Chóstel purger ze Linez Gertraut mein hausfrawe und Agnes unser baider tochter wir verjehen, das uns unser gnädiger herre her Pilgreim erezbischof ze Salezburg legat des stûls ze Rom seinen hof und das haus ze Linez lazzen und gelihen hat zu unsern tagen, als sein brief sagt den wier von im darumb haben mit der beschaiden, das wier im und seinen nachchômen mit demselben hof und haus mit chellern und mit chasten mit stallung und mit allen dem das zu dem hof gehort warten sullen also. das wier dhainerlay handlung in den chellern und chästen nicht haben sûllen uncz ier wein und traid darin chomen, was denn ûbriger cheller und gemâch wàren, da mûgen wir unsern frum wol mit geschaffen. Es ist auch zu merchen, das wir unserm vorgenanten herren von Salezburg denselben hof und haus pawn sullen mit ainer gûten newn stuben mit stallung zu sechtzig pfarden mit chamern und mit ainem gûten dach also. das unser vorgenanter her von Salezburg und sein hofmaister mit ieren dienarn wol dar inne gesein mugen. und darumb uns unser vorgenanter her ron Salezburg zû demselben paw von besundern gnaden ze hilf geben zway und
RkJQdWJsaXNoZXIy MjQ4MjI2