323 zw Eferding in der stat do man zalt nach Christi geburd drewczechenhundert jar und in dem syben und sechczikstem jar an sand Veicz tag dez heiligen martträr. Orig., Perg., das Siegel in gelblichem Wachs ist beschädigt; im Schloss¬ Archiv zu Eferding. COCXXXI. 1367. 15. Juni. Wien.- Ieinrich von Wallsee verkauft das aus dem Erbgut seiner Eltern ihm zugefallene Haus zu Wien in der Färberstrasse dem Wolfgang von Winden. Ich Hainreich von Walsce hern Fridreichs von Walsee selig sun ob der Enns vergich, daz ich mit handen der erbn lawt Thomans des Swembleins zu den zeiten purgmaister und des rates gemain der stat zu Wyenn recht und redleichen verchaufft und geben han mein haus genant die presse, daz mich anerstorben ist von dem egenanten meinem Vater und daz mir ouch darnach in furzicht und los an rechter tailung angevallen ist gegen meinen pruder hern Fridreichen von Walsse zu den zeiten lantmarschalich in Osterreich do wir das guet und andrew guet mit einander getailt haben als die tailbrief sagent die wir darumb haben, und leit ouch dasselb haus in der Verberstrazze ze Wienn zenechste des erbn herre haus hern Wolfskangs vonn Winden und darauf chain gruntrecht noch purchrecht nie gewesen ist, und ob daz wer daz fürbaz icht der brif oder urchund fürpracht wurden von wem daz wer die auf daz vor¬ genant haus umb gruntrecht umb purchrecht oder umb welecherlay dienst daz wer sagten, des sol die stat ze Wienn mit dem versigeln der stat gruntinsigel unentgolten beleiben; daz egenant haus hab ich ledigs und vreys verchaufft und geben mit allen den nuczen und rechten es unversprochenleich von alter in purchrechtes gewer herchomen ist umb sibenczig phunt wienner phennig der ich genczleich verricht und gewert binn, dem vorgenanten heren Wolfkangen vonn Wienden und seinen erben oder wem er es schaft macht oder geit fürbas ledichleich und vreyleich ze haben und allu irn frumen damit schaffen verchauffen verseczen und gebn wem si wellen an alln irresal, und bin ouch ich vorgenanter Hainreich ron Walsse und mein erbn unverschaidenleich des vorgenanten hauses ir recht gewern und scherm für all ansprach als purchrechts recht ist und der stat recht ze 21°
RkJQdWJsaXNoZXIy MjQ4MjI2