29 wol gerichten umb den tod. Waz amptleut aber wir uber dieselben gericht seczen, die sullen den pan enphahen und nemen von den obgenanten unsern herren von Osterreich und von allen irn nachkomen und erben herczogen zib Osterreich ie von dem eltisten under in, der denn in landes ist, und sol ouch der denselben pan verleihen richteklich und unverczogenlich jegklichem unserm amptman den wir in dem namen als da vor darczù seczen an alle widerred und geverd. Daruber sullen ouch die vorgenanten Lienhart der Marspek Wolfhart der Polhaimer und alle ir nachkomen und erben an den egenanten lantgerichten eweklich und ouch alle ir amptleut die sie über dieselben ir lantgericht seczent den pan ze gleicher weis als wir und unser amptlêut ouch nemen und emphahen von den egenanten unsern herren von Osterreich, die in den ouch leihen sullen zeglei¬ cher weis als uns und unsern amptleuten unverczogenlich an alles geverd als oft es an si gevordert wirdt, wan weder dieselben herren noch ir amptlêut daselbs nicht recht habent ze richten über den tod. èe daz si den pan von den herczogen von Osterreich nement und emphahent. Ouch sullen dieselben unser herren die herczogen von Osterreich und alle ir nachkomen und erben eweklich in den vorge¬ nanten fümf lantgerichten als lang und als weit die begriffen habent, und darüber auf allen irn stetten merkten und dorffern leuten und gûtern die si jeczunt ob der Ens beseczen und haben ir mûncz iru ungelt und alle ander aufsêcz ze gleicher weis als in irm lande niderhalb der Ens. Wir die vorgenanten grafen von Schowenberg haben ouch bechant fur uns und alle unser nachkomen und erben und bechennen wizzentlich in dem namen und nach dem rechten als da vor geschriben stat als wir des ouch underweiset sein, recht und redlich, waz herschaft vesten pürg stett merkt dörffer gericht vogtei zchent leut und gûter von uns lehen sind, die herren ritter und knecht, purger und landleut oder jemant ander in dem lande ze Osterreich under der Ens und ob der Ens jetweder seit der Tunaw in allen der egenanten unserer herren von Osterreich gerichten und gepieten und ouch in allen unsern herscheften und gerichten oder gepieten uncz an die gemerk die wir haben mit der herscheft von Bayrn und ouch in den landen ze Stcyr und ze Kérnden von uns ze lehen habent. daz wir dieselben lehen alle gar und génczlich wo die gelegen und wie die genant sind voran und des ersten ze lehen haben und haben sullen und wellen eweklich von den egenanten unsern herren den
RkJQdWJsaXNoZXIy MjQ4MjI2