303 CCCVIII. - Verzichtleistung der Brüder Karl, Aram und Reywein 1366. 28. December. gegen ihre Schwester Elsbeth, Leutolts des Wallsee Witre und ihre Kinder über den halben Hof zu der Aich. CH Charel und ich Atan und ich Rcywein wir drey prueder verjechen, daz wier enphangen haben von vron Elspeten Leutleins dez Walsears witib dem Got genad. an sechezik newn phunt phen¬ ning wienner münzz und ain schaff chorns von seiner chinder und unser swester chind wegen Fridleins und Liendleins, damit di chind von dem halben hof zder Aych gesprochen und geschaiden sint, daz seu von iem noch von iren wegen jemant chain zuespruch fürbaz gegen dem rechten auf dem halben hof zder Aich nimermer gehaben schol; und darfúr hab wier obgenant drey prueder ver¬ haizzen und gesprochen und mit sampt uns ich Jucob der Parm und ich Chunrat an dem Ort ze Durrenpuech und ich. Utreich der Trawner und ich Chunrat der Mair in der Linde wier obgenant all siben haben verhaizzen mit unsern trewn, ob fürbaz von der chind wegen oder von jemancz ander wegen von leren wegen chain irsal noch chain chrieg aufstuend von dez obgenantes halben hofs rechtz wegen, den schullen wier gaenczleich und gar auzrichten den di den halben hof zder zeit inne habent. Daz di red stat und unverchert beleib, daruber geb wier obgenanteu Leut oldz chinder und wier obgenant siben man di vor geschriben stent in den offen brief ver¬ sigelt mit dez erbern manns insigel hern Heczels dez Schikchen zden zeiten vogt auf dem Strenberkch, den wier dez vleuzziglich gepeten haben daz er sein insigel an den brief gelegt hat wann wier aygner insigel selber nicht enhaben. Der brief ist geben do man zalt von Christi gepurd dreuczehen hundert jar darnach in dem sechczikistem jar dez mantagez an der chindlein tag in den weinacht veirtagen. Orig., Perg., im Stadtarchiv zu Ens. Das Siegel gut erhalten in unge¬ färbtem Wachs.
RkJQdWJsaXNoZXIy MjQ4MjI2