290 mit wolbedachtem mut und mit äller unser erben gotleichen willen und wart auf unser wis div gelegen ist datz Strehaim bay der Spekch, div weilen gewesen ist Ulreichs des Cholben, div wir gechaufft haben umb unser aigentlich gut von des vorgenanden Cholben erben recht und redlich auz ir nutz und gewer in unser nutz und gewer, und auf ainem wisflekch der ist gelegen in der selben wis und hat gehort in den hof auf den Mintzlesperig, den selben wistlekch haben wir auzgewechselt mit ainer andern wis div gelegen ist ze Obernswaig zenachst der Pyscholfing, also daz div selbe wis ewichlich sol gehôren ze dem obgenanden hof auf dem Mintzleinsperig. So sol diser wisvlekch ewichleichen gehören ze der egenanden wis gen Strohaim und sol fürbaz ain ungetailtew gantze wis sein und ist auch der auzwechsel geschehen mit gunst und mit willen des wol ersamen herren abpt Jansen des Greusnikcher der div zeit herre und auch phleger ist gewesen des golzhaus ze Lai¬ bach. Auf der selben vorgenanden gantzen wis div unser lechen ist von dem selben gotzhaus haben wir uns ain ewigez selgereth gestifftet mit driv schilling alter wienner phening div man jerichlich davon raichen und geben sol wer div selbe wis innchat dem conventt in div oblay an sand Michelstag oder zwair tag vor oder zwair hin¬ nach mit solicher beschaidenhait, daz man meinem vater Alberten und meiner muter Kathrein und mir Hadmarn und meiner haus¬ crow Margarcten und unsern vodern und auch nachchomen ainen jartag sol begen jerichlich in dem selben gotzhaus mit vigili und mit messen und mit andern rainen gepeten als gewöndlich ist bay den seligen chlöstern. Und sol auch der jartag jerichlich begongen werden an dem nachsten tag nach aller seltag oder an dem achtaiden tag darnach an allez gever. Wer aber daz der jartag also nicht begangen würde also vorgeschriben stet, so sol daz vorgenande gelt auf der wis gevallen in div abptay an allen chrieg. Daz bestetigt ich vorge¬ nander Hadmar mit dem gegenbürtigen prief vorsigelten mit des wol wirdigen herren abpt Jansen anhangunden insigeln der von seinen gnaden und durch méiner dienst willen den jartag also bestettigt hat, und darumb daz ich div selbe zeit nicht aigens insigels han gehabt, vorbinde ich mich mit sampt meinen erben allez daz stet ze haben daz vorgeschriben ist under des wol ersamen mannes Gerlachs des Pachlayter anhangunden insigel, der durch unser vlcizzigen gepet daz bezeuget hat mit seinen insigel im und seinen
RkJQdWJsaXNoZXIy MjQ4MjI2