268 burger turner und wachter von den vorgenanten hundert phunt phening järchlich richten und bezalln an alle meins vorgenanten herren und seins gotshaus schâden wie so di genant sind, und sol auch die vestt Tunnberch di vorbenant zeit erberlich inne haben und die sein seins gotshauss und sein und der seinen offens haus ze allen iren notdurften an gevär mir an meinen rechten an schaden. Ich sol auch noch mein bruder oder unser eriben oder wer die vestt ze Tannberch inne hat von unsern wegen wider meinen herren bischof Albrecht sein gotshaus noch die sein nichts tun in dhainen weg noch niemt von unsern wegen anders mit der obgenanten vestt und pfleg ze Tannberch noch dovon, di weil wir si inne haben an gevär. Auch ist ze wissen, ob ich obgenanter Chonrat von Chrey abgieng des Got nicht geb in den egenanten aht jaren, so habent mein bruder und mein eriben diselben aht jar hinauz alle die reht die hie oben geschriben stent, und sullen auch dovon tun allez daz gäntzlich und vollichlich, das ich selber dovon tun solt. Wand auch diselben aht jar auzchôment, so sol und ist auch die oftgenant vestt und pfleg ze Tannberch und die gult die darzu mir geantwurtt wirt meinem vorgenanten herren seinem gotshaus und nahchomen von mir meinem bruder und von dem der si inne hat an unser stat und von unsern wegen gänczlich und gar ledig und los an gevärd also, daz ich mein bruder oder der der si von unsern wegen inne hat dar¬ nach noch darzu dhain ansprach noch chrieg nimmermer gehaben sullen noch muegen noch niemt anders von unsern wegen in dhainerlay weg swi so der genant oder gehaizzen wer, und sullu wir in die inantwurtten wider in ir gewalt unverzogenlich an alle chrieg irrung und widerred slechtlich und trewliche an allen seinen seines gotshauss und seiner nahchomen schaden. Und daz in daz also stet und unverrukcht beleib, gib ich vorgenanter Chonral von Chrey zu einem sichtigen urchund der vorgenanten sache den brif besigelt mit meinem anhangunden insigel und mit der ersamen meiner lieben hern und vreunt insigeln her Lienharts von Marspach und hern Heinreichs des Tuschels von Saldenaw besigelt. Der brif ist geben auf sand Georgenperg bey Pazzaw an sand Gregory tag nach Christs geburd drewtzehen hundert jar darnach in dem sechs und sechtzgistem jar. Monumenta boica XXX Bd. II, pag. 262.
RkJQdWJsaXNoZXIy MjQ4MjI2