257 CCLVII. 1365. 26. December. — Chunrat der Schoctinger verkauft dem Walchun von Leinoch sein Leibgeding auf dem Gut zu Walingheim. Ich Chunrat der Schoctinger vergich, daz ich han ze chawffen geben mein leybting auf dem guett ze Walinghaim daz ich gehabt han ze leybgeding von dem gotzhawss ze Reichersperg, Walchan von Leinoch und seiner hawsfrawn und all sein erben. Daz in daz staet und unzeprochen beleib, darueber gib ich in den prief versigelt mit meim anhangendem insigell. Der geben ist do man zalt von Christes gepürt dreuzzehen hundert jar darnach an dem fümf und setzigsten jar an dez heiligen heren sant Stephans tag. Orig., Perg., das Siegel gut erhalten; im Stiftsarchiv zu Reichersberg Auch Prompt. Reichersberg CCLVIII. 1365. 27. December. — Härtel der Katringer verkauft an Hartneid ron Losen¬ stein seine freieigene Hube in Dratenbach in der Pfarre Wolfern. Ich Hertel der Kätringer und all mein erben verjehen, daz ich ze chauffen han geben dem erbern herren hern Hertneiten von Losenstain und allen sein erben mein hueb in dem Drâtenpach die vreiz aygen ist und ist gelegen in Wolfharrer pharr, mit allen den nutzen und rechten di darzue gehôrent umb an ainz zwaintzich phunt phening alter wienner munzz der er mich gantz und gar gericht und gewert hat mit peraiten phening, und schol ich im obge¬ nanter Katringer di hueb frein und schierm für allen chrieg und ansprach also des landes recht ist. Daz di red also stet und unze¬ prochen beleib. daruber gib ich obgenanter Hertel der Kätringer den prief versigelt mit meim anhangunden insigel, und zu ainer pezzern sicherait der warhait mit meins prueder Philippen des Kätringer insigel. Daz ist geschechen do man zalt von Christi gepurd dreutzechen hundert jar darnach in dem fumf und sechtzkisten jar des sampztags var sant Thomas tag. Orig., Perg., mit zwei Hängesiegeln, im Schlossarchiv zu Losensteinleiten. Urkundenbuch des L.andes ob der Enns VIII. Bd.
RkJQdWJsaXNoZXIy MjQ4MjI2